بھارتی ریاست بہار میں مسافر کشتی ڈوبنے سے 21 افراد ہلاک

نئی دلی: بھارتی ریاست بہار میں مسافروں سے بھری کشتی دریائے گنگا میں الٹ گئی جس کے نتیجے میں 21 افراد ڈوب کر ہلاک ہوگئے جب کہ دیگر کی تلاش کے لئے ریسکیو آپریشن شروع کردیا گیا ہے۔

بھارتی میڈیا کے مطابق ریاست بہار کے شہر پٹنا میں کشتی میں سوار ہو کر 40 افراد دریائے گنگا میں سفر کر رہے تھے کہ اچانک کشتی الٹ گئی جس کے نتیجے میں 21 افراد ڈوب کر ہلاک ہو گئے۔ حادثے کی خبر ملتے ہی ریسکیو ٹیموں نے آپریشن شروع کرتے ہوئے 21 لاشوں کو نکال لیا جب کہ دیگر کی تلاش جاری ہے۔

PM expressed grief on the loss of lives caused by the boat tragedy in Bihar. He extended condolences to the bereaved families.

— PMO India (@PMOIndia) January 14, 2017

دوسری جانب بھارتی وزیراعظم نریندر مودی نے بہار حادثے میں ہلاکتوں پر گہرے دکھ کا اظہار کرتے ہوئے متاثرہ خاندانوں کے ساتھ ہمدردی کا اظہار کیا ہے جب کہ حکومت نے متاثرہ خاندانوں کے لئے فی کس 4 لاکھ روپے امداد کا اعلان کیا ہے۔ ادھر کانگریس نے کشتی حادثے کو حکومتی نااہلی قرار دیتے ہوئے واقعے کی تحقیقات کا مطالبہ کیا ہے۔