ڈرامہ کوئین میرا کی وزیراعلیٰ پنجاب سے مالی مدد کی اپیل

لالی ووڈ کی ڈرامہ کوئین اداکارہ میرا نے وزیراعلیٰٰ پنجاب شہباز شریف سے مالی مدد کی اپیل کردی۔

اداکارہ میرا 2 سال سے اسپتال کے نام پر چندہ جمع کرنے میں مصروف تھیں لیکن چند روز قبل ہی انہوں نے اپنی ہوم پروڈکشن کے لیے ایک کروڑ سے زائد مالیت کا کیمرہ خریدا تھا لیکن اب میرا نے کروڑوں کی مالکن ہونے کے باوجود وزیراعلیٰ پنجاب سے مدد کی اپیل کردی ہے۔

اس خبر کو بھی پڑھیں: عزت اورشہرت حاصل کر چکی مزیدکسی چیز کی خواہش نہیں، میرا


ایکسپریس نیوز کے مطابق میرا نے حکومت پنجاب کے سیکریٹری کلچر کے توسط سے شہبازشریف کو مالی مدد کی درخواست جمع کرائی ہے جس میں انہوں نے مؤقف اختیار کیا ہے کہ باعزت اور پاکیزہ زندگی گزارنا چاہتی ہوں جس کے لیے میری مالی مدد کی جائے۔

اس خبر کو بھی پڑھیں: میرا نے فقیر کو ڈالروں میں بھیک دے دی

واضح رہے کہ اداکارہ کے لاہور میں ڈیفنس اور جوہر ٹاؤن میں کروڑوں روپے مالیت کے 2 گھر ہیں اور مختلف بینکوں میں اکاؤنٹس بھی ہیں جس کے باوجود سرکاری مدد کی اپیل کو میڈیا میں ان رہنے کا فن قرار دیا جاسکتا ہے۔