کراچی سمیت سندھ کے دیگر اضلاع میں ڈبل سواری پر پابندی ختم

کراچی سمیت سندھ کے دوسرے شہروں میں موٹر سائیکل کی ڈبل سواری پر عائد پابندی ختم کر دی گئی ہے۔

جشن عيد ميلاد النبی ﷺ کے موقع پر محکمہ داخلہ سندھ نے سیکیورٹی خدشات کے پیش نظر دفعہ 144 نافذ کر کے کراچی سمیت سندھ کے 7 اضلاع میں ڈبل سواری پر پابندی عائد کر دی تھی۔

واضح رہے کہ ڈبل سواری پر پابندی کا اطلاق صرف جمعے کے روز صبح 8 سے رات 10 بجے تک کیا گیا تھا۔