- امریکی وزیر خارجہ کا دورۂ یوکرین؛ نائٹ کلب میں گانا گانے کی ویڈیو وائرل
- پی ٹی آئی جانتی ہے اسے کس کے پاؤں پکڑنے ہیں اسلیے وہ ہم سے مذاکرات نہیں چاہتی، بلاول
- ٹی20 ورلڈکپ؛ کیا پاکستان، انگلینڈ کی ٹیمیں وارم اَپ میچز گنواسکتی ہیں؟
- فیملی وی لاگنگ کے نام پر فحش مواد کے خلاف درخواست پر پی ٹی اے سے رپورٹ طلب
- چار سدہ انٹرچینج کے نزدیک فائرنگ، تین افراد جاں بحق ایک زخمی
- 400 کلومیٹر رینج کے حامل فتح II گائیڈڈ راکٹ سسٹم کا کامیاب تجربہ
- نجکاری کیلیے پیش کیے جانے والے 25 سرکاری اداروں کی فہرست قومی اسمبلی میں پیش
- عدلیہ میں مداخلت کا ثبوت ہے تو پیش کریں، ورنہ ابہام بڑھ رہا ہے، فیصل واوڈا
- حسن علی کو تیسرا ٹی20 کیوں کھلایا؟ بابر نے وجہ بتادی
- جھوٹی خبروں کیخلاف نیا قانون تیار ہے صحافیوں کو اعتراض ہے تو رجوع کریں، پنجاب حکومت
- سونے کی عالمی اور مقامی مارکیٹوں میں قیمت بڑھ گئی
- دبئی لیکس میں بھارتی سب سے آگے؛ مودی کے دوستوں کی جائیدادیں بھی نکل آئیں
- ورلڈکپ اسکواڈ کا اعلان کیوں نہیں ہوا؟ رمیز راجا سلیکشن کمیٹی پر برہم
- وزیراعلی پنجاب نے لاہور میں 36 ارب کے ترقیاتی کام روک دیے
- گورنر خیبرپختونخوا کے اپنی رہائشگاہ ’’کے پی کے ہاؤس‘‘ آنے پر پابندی
- حکومت نے آئی ایم ایف کو بجلی مزید مہنگی کرنے کی یقین دہانی کرادی
- نقل مافیا اور آپریشن راہ راست
- یونیورسٹیاں پاکستان کا مستقبل ہیں، منظم طریقے سے تباہ کیا جارہا ہے، چیف جسٹس
- پی ایس ایل سے آئی پی ایل کا ٹکراؤ؛ فرنچائزز نے مخالفت کردی
- حماس سے جھڑپوں، حزب اللہ کے راکٹ حملے میں اسرائیلی فوجی سمیت 2 ہلاک، 5 زخمی
اداکاری میں حقیقت کا رنگ بھرنے کیلیے باقاعدہ تربیت کا آغاز کر دیا، نمرین بٹ
لاہور: معروف کلاسیکل رقاصہ نمرین بٹ نے ایکٹنگ کے شعبے میں زبردست انٹری دیتے ہوئے دوفلمیں سائن کرلیں۔ انھوں نے عیدالفطرسے قبل ایک فلم کے لیے آئٹم سانگ شوٹ کروایا تھا، جس کے بعد انھیں ایک اردواورایک پنجابی فلم میں مرکزی کرداروں کی پیشکش ہوئی، جس کوانھوں نے سائن کرلیا۔
نمرین بٹ نے ’’ایکسپریس‘‘ سے گفتگو کرتے ہوئے کہا کہ ایکٹنگ کے شعبے میں آنے کے لیے مجھے کسی اچھے پروجیکٹ کی تلاش تھی۔ مجھے اس سے پہلے بھی متعدد بار فلموں میں کام کرنے کی پیشکش ہوئی، لیکن میں کسی ایسے کردارکی تلاش میں تھی ، جومعمول سے ہٹ کرہواوراس کے ذریعے میں اپنی اداکاری کے جوہر دکھاسکوں۔ اس سلسلہ میں جب میں نے ایک آئٹم سانگ فلمبند کروایا تو میرے کام کودیکھتے ہوئے مجھے دوفلموں کی پیشکش ہوئی۔ اس دوران مجھے فلم کی کہانی اوراپنے کردار کو سمجھنے کے لیے اسکرپٹ دیے گئے۔ جس کے بعد میں نے ان دونوں فلموںمیں کام کرنے کی رضا مندی ظاہر کی۔
اداکارہ نے کہا کہ ماضی میں بننے والی فارمولا فلموں کے مقابلے میں موجودہ دورکی فلمیں جہاں جدید ٹیکنالوجی سے آراستہ ہیں، وہیں ان کی کہانی ، کردار، لوکیشنزاورمیوزک بہت جاندارہوتا ہے۔ یہی وجہ ہے کہ میں نے کلاسیکل رقص کے ساتھ ساتھ ایکٹنگ کے شعبے میں کام کرنے کا فیصلہ کیا۔
ایک سوال کے جواب میں نمرین بٹ نے کہا کہ اپنی اداکاری میں حقیقت کے رنگ بھرنے کے لیے میں نے باقاعدہ تربیت کا آغاز کردیا ہے اوراس سلسلہ میں فلم انڈسٹری سے وابستہ سینئراداکاراؤں اوردیگرافراد سے باقاعدہ رہنمائی بھی حاصل کر رہی ہوں۔ میں سمجھتی ہوں کہ جوبھی کام سیکھ کرکیا جاتا ہے، اس میں ہمیشہ نکھارآتا ہے اورلوگ بھی اس کوپسندکرتے ہیں۔ ویسے بھی میں اپنے کام کوبڑی محنت اورایمانداری کے ساتھ انجام دیتی ہوں۔
نمرین نے مزیدکہا کہ پاکستان میں کام کرنے والے ثقافتی اداروںکو کلاسیکی موسیقی کی طرح کلاسیکل رقص کوبھی فروغ دینے کے لیے اقدامات کرنے چاہئیں۔ ہمارے ملک میں بہت سے نوجوان رقص کے شعبے میں کام کرنا چاہتے ہیں لیکن بہترمستقبل نہ دکھنے کی وجہ سے وہ اکثر اپنا ٹیلنٹ سامنے ہی نہیں لاتے۔ اس سلسلے میں حکومت اقدامات کرنے کی ضرورت ہے، تاکہ زیادہ سے زیادہ لوگ اس پروفیشن میں اپنی صلاحیتوں کے جوہردکھاسکیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔