ماسکو کی عدالت میں سماعت کے دوران فائرنگ سے 3 افراد ہلاک
جرائم پیشہ گروہ کے خلاف مقدمے کی سماعت جاری تھی کہ ملزمان نے سیکورٹی اہلکاروں سے اسلحہ چھین کر فائرنگ شروع کردی
ایک کرمنل گینگ کے خلاف مقدمے کی سماعت جاری تھی کہ ملزمان نے اسلحہ چھین کر فائرنگ شروع کردی،فوٹو:فائل
روس کے دارالحکومت کی عدالت میں فائرنگ کے نتیجے میں 3 افراد ہلاک اور متعدد زخمی ہوگئے۔
روس کی سرکاری خبر رساں ایجنسی ''تاس نیوز'' کے مطابق قانون نافذ کرنے والے ادارے کا کہنا ہے ماسکو کی مقامی عدالت میں 5 افراد پر مشتمل گینگ کے خلاف سماعت جاری تھی کہ اچانک گینگ کے ممبران نے سیکیورٹی اہلکاروں سے اسلحہ چھین کر فائرنگ شروع کردی تاہم سیکیورٹی اہلکاروں کی جوابی فائرنگ کے نتیجے میں 3 ملزمان ہلاک جب کہ دیگر 2 زخمی ہوگئے۔ واقعے کے بعد عدالتی کارروائی روک دی گئی اور عمارت کو خالی کرالیا گیا۔
خیال رہے کہ ان ملزمان کا تعلق جی ٹی اے گینگ سے ہے جس نے ایک کمپیوٹر گیم سے متاثر ہوکر اپنے گینگ کا نام رکھا ہے اور ان پر ماسکو میں کار ڈرائیورز کے قتل کے مقدمات درج ہیں۔
روس کی سرکاری خبر رساں ایجنسی ''تاس نیوز'' کے مطابق قانون نافذ کرنے والے ادارے کا کہنا ہے ماسکو کی مقامی عدالت میں 5 افراد پر مشتمل گینگ کے خلاف سماعت جاری تھی کہ اچانک گینگ کے ممبران نے سیکیورٹی اہلکاروں سے اسلحہ چھین کر فائرنگ شروع کردی تاہم سیکیورٹی اہلکاروں کی جوابی فائرنگ کے نتیجے میں 3 ملزمان ہلاک جب کہ دیگر 2 زخمی ہوگئے۔ واقعے کے بعد عدالتی کارروائی روک دی گئی اور عمارت کو خالی کرالیا گیا۔
خیال رہے کہ ان ملزمان کا تعلق جی ٹی اے گینگ سے ہے جس نے ایک کمپیوٹر گیم سے متاثر ہوکر اپنے گینگ کا نام رکھا ہے اور ان پر ماسکو میں کار ڈرائیورز کے قتل کے مقدمات درج ہیں۔