- خیبر پختونخوا میں دو ماہ کے دوران صحت کارڈ پر ایک لاکھ افراد کا مفت علاج
- لاہور میں پرانی دشمنی پر ماں اور 17 سالہ بیٹا قتل
- بھارت میں انتخابات کے چوتھے مرحلے کا آغاز؛ 10 ریاستوں میں ووٹنگ
- غزہ جنگ کے خوفناک نفسیاتی اثرات، اب تک 10 اسرائیلی فوجیوں کی خودکشی
- گندم اسکینڈل؛ وزیراعظم کا ایم ڈی اور جی ایم پاسکو کی معطلی کا حکم
- نان فائلرز کے موبائل بیلنس پر 100 میں سے 90 روپے ٹیکس کٹوتی کا فیصلہ
- خفیہ معلومات کی تشہیر اورپھیلانے والوں کو سزا دینے کا اعلان
- کراچی میں گرمی میں مزید اضافے کا امکان
- پیٹرولیم مصنوعات کی قیمتوں میں کمی کا امکان
- آئی ایم ایف اور وزارت خزانہ میں مذاکرات، غریب افراد کو ٹارگٹڈ سبسڈی دینے پر اتفاق
- بابر اعظم دنیا کے کامیاب ترین ٹی 20 کپتان بن گئے
- شاہین کے 300 انٹرنیشنل شکار مکمل
- پاکستانی ایئرلائنز پر پابندی ختم کرنے کے تناظر میں پیش رفت کاامکان
- ہم ترقی یافتہ قوم کب بنیں گے؟
- اسلام آباد میں پی آئی اے پرواز خراب موسم کی زد میں آگئی، متعدد مسافر زخمی
- زہریلے کیمیکل کا استعمال، بھارتی غذائی اشیاء پرعالمی پابندیاں عائد
- اصلاحات کے ذریعے آئی ایم ایف پروگرام کو گیم چینجر بنانا ممکن
- پاکستان کیلیے چند سال آئی ایم ایف کے بغیر مشکل ہیں، برطانوی چیف اکانومسٹ
- انا چھوڑیں ٹیم کو دیکھیں
- استحکام کیلئے خودانحصاری کی طرف بڑھنا ہوگا!
عراق میں اتحادی فوج کے طیاروں کی قافلے پر بمباری، 40 ہلاک
بغداد / واشنگٹن: عراق میں بین الاقوامی اتحاد کے طیاروں نے انبار صوبے کے مغرب میں شامی سرحد کے نزدیک مسلح ملیشیا الحشد الشعبی کے ایک عسکری قافلے کو بم باری کا نشانہ بنایا جس کے نتیجے میں 40 افرادمارے گئے۔
عرب ٹی وی کے مطابق اس بات کا اعلان مذکورہ ملیشیا کی جانب سے کیا گیا۔ملیشیا کے مطابق عکاشات قصبے میں ہونے والی بم باری کے نتیجے میں الحشد الشعبی کے40ارکان ہلاک اور25سے زائد زخمی ہوئے۔ الحشد الشعبی نے عراقی حکام سے مطالبہ کیا کہ امریکی بم باری کے حوالے سے فوری طور پر تحقیقات شروع کی جائیں۔
دوسری جانب عراقی اعلیٰ عسکری ذرائع نے بتایا کہ بین الاقوامی اتحاد کی بم باری اتحاد کے لڑاکا طیاروں کے ذریعے کی گئی۔ کارروائی میں الحشد الشعبی ملیشیا کے ان عناصر کو نشانہ بنایا گیا جو عکاشات قصبے کے قریب اپنے ٹھکانوں کو چھوڑ کر عراق شام سرحد کے نزدیک آ گئے تھے۔ عکاشات کا قصبہ عراق شام سرحد سے 50کلومیٹر کی دوری پر واقع ہے۔
بغداد میں باخبر ذرائع نے بتایا کہ بم باری کے بعد سید الشہدا بریگیڈزملیشیاکے40جنگجوں کی لاشیں موصول ہوئیں جب کہ حملے میں ملیشیا کے زخمی ہونیوالے 30 ارکان کو دارالحکومت کے اسپتالوں میں علاج فراہم کیا جا رہا ہے۔یاد رہے کہ الحشد الشعبی ملیشیا میں شامل کئی گروپ عراق شام سرحد کے نزدیک تعینات ہیں جن کا مقصد سرحد کا کنٹرول سنبھالنا ہے تا کہ وہ عراقی سرحدی محافظین کا کردار ادا کرسکیں۔
دریں اثنا عراق میں داعش کی طرف سے ہلاک کئے گئے550افراد کی اجتماعی قبر منظر عام پر آ گئی۔غیر ملکی میڈیا کے مطابق عراق کے شہر تکرت میں سال2014میں دہشت گرد تنظیم داعش کی طرف سے ہلاک کیے جانے والے550افراد کی لاشیں منظر عام پر آ گئی ہیں۔حکام کے اندازے کے مطابق علاقے میں اس سے کہیں زیادہ لاشیں موجود ہیں۔
اطلاع کے مطابق عراق کے صوبے صلاح الدین سے منسلک شہر تکرت میں دہشتگرد تنظیم داعش کے قتل عام کے نتیجے میں ہلاک ہونے والے افراد کی اجتماعی قبروں میں سے ایک اور کا انکشاف ہو گیا ہے۔اجتماعی قبر سے 550لاشیں نکالی گئی ہیں۔ عراق کے عدلیہ طب کے حکام کے مطابق یہ اجتماعی قبر امریکی ائیر بیس سپیشر کیمپ میں ہلاک کئے جانے والے عراقیوں کی ہے۔
ادھر ہشدی شابی کے تجربہ کار کمانڈروں میں سے معین کاظمی نے کہا ہے کہ 550مقتولین کے کنبوں کو مطلع کر دیا گیا ہے اور لاشوں میں سے 200کا ڈی این اے ٹیسٹ کیا جائے گا۔کاظمی نے کہا ہے کہ150مقتولین کی لاشیں 2 ہفتے قبل نکالی گئی ہیں، ہمارے خیال میں ابھی اور بھی زیادہ لاشیں ملیں گی اور توقع ہے کہ داعش کے قتل عام میں ہلاک ہونے والوں کی تعداد ایک ہزار سے تجاوز کر سکتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔