توہین رسالت پرمبنی فلم،7 مصری عیسائیوں کی سزائے موت برقرار

قاہرہ: مصرکے عدالتی ٹریبونل نے شان رسالتؐ میں گستاخی پرمبنی فلم بنانے والے امریکا میں مقیم سات مصری قبطی عیسائیوں کی سزائے موت برقرار رکھی۔

ان میں فلم کا ڈائریکٹربھی شامل ہے۔اس فلم پرگزشتہ سال ستمبرمیں پوری دنیامیں مسلمانوں نے احتجاجی مظاہرے کیے تھے جن میں کم ازکم 30 افرادہلاک ہوگئے تھے۔اس کیس کے تمام مجرم اس وقت امریکا میں مقیم ہیں،مصری عدالت نے انھیں غیرحاضری میں سزا سنائی تھی جسے ٹریبونل نے برقراررکھا۔

فلم کے پروموٹرامریکی پادری ٹیری جونزکی سزائے  موت کم کرکے پانچ سال قیدکردی گئی ہے۔قانونی ماہرین کے مطابق اگرمجرم مصرواپس لوٹ آتے ہیں توان کے کیس کی دوبارہ سماعت ہوسکتی ہے۔