دبنگ اسٹار سلمان خان اب باکسر بھی بن گئے

ممبئی: بالی ووڈ کے دبنگ اداکار سلمان خان پولیس آفیسر کے بعد اب باکسر کے روپ میں نظر آئیں گے۔

بھارتی میڈیا رپورٹس کے مطابق اداکار سلمان خان ہدایت کار  سورج برجاتیہ کی ایکشن سے بھرپور فلم ’’دھان پایو‘‘ میں ایک باکسر کے روپ میں نظر آئیں گے۔ سلمان خان فلم میں دہرے روپ میں نظر آئیں گے، ایک رول میں بالی ووڈ سپر اسٹار  پر امن آدمی کے روپ میں نظر آئیں گے جب کہ دوسرے کردار میں دبنگ اداکار  ایک باکسر کے روپ میں نظر آئیں گے۔

سورج برجاتیہ کی فلم میں سلمان خان اداکارہ سونم کپور، نیل نکن مکیش اور سوارا بھشکر کے ساتھ کام کرتے نظر آئیں گے۔ سلمان خان سے قبل حال ہی میں اداکارہ پریانکا چوپڑا نے بھی فلم ’’میری کوم‘‘ میں باکسر کا کردار ادا کیا ہے۔