- 565 میٹرک ٹن چینی، سگریٹ، کپڑا، ایرانی تیل برآمد کرلیا گیا
- ایف بی آر کے کارپوریٹ ٹیکس آفس اسلام آباد کیخلاف تحقیقات کا حکم
- پنجاب میں ہیٹ ویو کا الرٹ جاری، درجہ حرارت 45ڈگری جانے کا امکان
- غزہ میں جھڑپوں اور دھماکوں میں مزید 3 اسرائیلی فوجی ہلاک، 4 شدید زخمی
- حکومت نیٹ میٹرنگ ختم کرکے گراس میٹرنگ پالیسی لانے کوتیار
- پاکستان اور آئی ایم ایف کے درمیان پالیسی سطح کے مذاکرات کل شروع ہونگے
- این اے 148 ملتان میں ضمنی انتخاب کیلیے پولنگ جاری
- وزیراعظم کو آئی ایم ایف کا 18 ہزار ارب کا مجوزہ بجٹ پیش
- ٹی20 ورلڈکپ؛ ٹاپ 4 ٹیمیں کون سی ہوں گی؟ کیف نے پیشگوئی کردی
- ایک منٹ میں 110 پینسلیں توڑنے کا عالمی ریکارڈ
- سوشل میڈیا اور بچوں میں سیگریٹ نوشی کے درمیان تعلق کا انکشاف
- گرین ہاؤس گیسز کو قیمتی کیمیکلز میں بدلنے کا نیا طریقہ وضع
- بشکیک سے 140 طلبا کو لے کر پرواز لاہور پہنچ گئی
- ’’ کوہلی نے پاکستان آکر کھیلنے سے متعلق اچھی بات کی ہے‘‘
- کراچی: چھالیہ کے اسمگلرز کا پولیس کو رشوت دینا مہنگا پڑ گیا
- کراچی: گریڈ 17 کا افسر عدالت میں میتھ کی اسپیلنگ نہ سُنا سکا
- عالمی بینک کی پاکستان میں آئندہ مالی سال مہنگائی میں کمی کی پیش گوئی
- افغانستان کے صوبہ غور میں شدید بارش اور سیلاب سے 50 افراد جاں بحق
- کرغزستان میں کوئی پاکستانی ہلاک نہیں ہوا نہ کسی خاتون سے زیادتی ہوئی، دفتر خارجہ
- دنیا کی بلند ترین برفانی چوٹی پر پاک بھارت ریسلرز کا ٹکراؤ ہوگا
پی ایچ ایف نے سندھ کیخلاف انتقامی کارروائی شروع کردی
کراچی: پی ایچ ایف نے سندھ کی نگراں حکومت کی جانب سے عبدالستار ہاکی کلب اسٹیڈیم کی تزئین و آرائش اور سالانہ گرانٹ روکے جانے پر انتقامی کارروائی شروع کردی۔
فیڈریشن نے انڈونیشیا کے شہر جکارتہ میں شیڈول ایشین گیمز کے لیے جن 27کھلاڑیوں کو قومی کیمپ میں طلب کیا ہے۔ ان میں سندھ کا ایک کھلاڑی بھی شامل نہیں، حیدر آباد کے واحد باصلاحیت کھلاڑی خضرکو نظر انداز کردیا گیا۔
قبل ازیں فیڈریشن کے ارباب اختیار نے سابق وزیر اعلیٰ سندھ سید مراد علی شاہ سے خضر کے نام پر ہی اندرون سندھ سے باصلاحیت کھلاڑی کو قومی ٹیم کا حصہ بنانے کی یقین دہانی کراکے 10کروڑ روپے کی سالانہ گرانٹ اور عبدالستار ایدھی ہاکی اسٹیڈیم کی تزئین و آرائش کی منظوری کروائی تھی۔
سابقہ حکومت نے فوری طورپر 35 لاکھ روپے ادا کرنے کے ساتھ بعد میں 10 کروڑ روپے کی پہلی گرانٹ بھی جاری کردی تھی تاہم اب سندھ کی نگراں حکومت نے عبدالستار ایدھی ہاکی اسٹیڈیم کو انتہائی بوسیدہ قرار دیکر اس کی تزئین و آرائش کے لیے پی سی ون کو روکنے کی ہدایت کی ہے۔
متعلقہ کمیٹی کی رپورٹ میں کہا گیا تھا کہ عبدالستار ایدھی کے نام سے منسوب ہاکی کلب آف پاکستان اسٹیڈیم کو منہدم کرکے دوبارہ بنانے کی ضرورت ہے جبکہ اس کی تزئین آرائش پر رقم خرچ کرنا وقت اور پیسہ ضائع کرنے کے مترادف ہوگا۔
دوسری طرف سابقہ حکومت کی جانب سے فیڈریشن کے لیے منظور کردہ سالانہ گرانٹ کو غیر قانونی قرار دیکر اسے بھی ختم کرکے اب تک دی جانی والی گرانٹ کو بھی واپس لینے کا فیصلہ کیا ہے، ذرائع کا کہنا ہے کہ صوبائی حکومت کسی بھی فیڈریشن کو گرانٹ نہیں دے سکتی، وہ صرف صوبے میں کام کرنے والی کھیلوں سے وابستہ ایسوسی ایشنز کو گرانٹ دینے کی مجاز ہے۔
ہاکی حلقوں کا کہنا ہے کہ ایشیاکپ، کامن ویلتھ گیمز کے لیے اسٹینڈ بائی، چیمپیئنز ٹرافی کے لیے کیمپ میں شامل اور 4 ملکی ہاکی ٹورنامنٹ میں قومی ٹیم کا حصہ رہنے والے خضر کو سیاست اور لالچ کی نظر کرنا میرٹ کا قتل اور قومی کھیل کی تابوت میں آخری کیل ٹھوکنے کے برابر ہوگا، 14جولائی سے عبدالستار ایدھی ہاکی کلب میں ایشین گیمز کے لیے لگنے والے کیمپ میں شامل ہونا خضر کا حق ہے، پی ایچ ایف پیسوں کی خاطر ایسی حرکتوں پر اتر آئی ہے۔
سابق اولمپئنز کا کہنا ہے کہ کراچی میں متوازی ایسوسی ایشن بنانے کا مقصد بھی یہی ہے کہ کوئی فیڈریشن کی من مانیوں پر آواز نہ اٹھائے جبکہ سندھ اولمپک ایسوسی ایشن سے الحاق نہ رکھنے والی من پسند صوبائی ہاکی ایسوسی ایشن کے عہدیداروں میں اتنی جرأت نہیں کہ وہ فیڈریشن کے سامنے لب کشائی کرسکیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔