- ٹی20 ورلڈکپ اور پاکستان کیخلاف سیریز کیلئے انگلینڈ کے اسکواڈ کا اعلان
- کراچی؛ جنریٹر مارکیٹ کی دکان میں گیس سلنڈر دھماکا، ایک شخص جاں بحق
- گندم خریداری کیس؛ حکومتی پالیسی میں مداخلت نہیں کرینگے، لاہور ہائی کورٹ
- سونے کی عالمی اور مقامی مارکیٹوں میں قیمت کم ہو گئی
- ٹی20 ورلڈکپ؛ سابق کرکٹر نے محمد عامر کو اپنے اسکواڈ سے باہر کردیا
- فوڈ رائیڈر جلد ڈلیوری کے چکر میں 28 چالان کروا بیٹھا
- لاہور کے حلقہ پی پی 161 میں ووٹوں کی دوبارہ گنتی کا فیصلہ کالعدم قرار
- اسرائیلی کی غزہ پر وحشیانہ بمباری جاری؛ بچوں سمیت 34 فلسطینی شہید
- بشریٰ بی بی اڈیالہ جیل منتقلی کیس میں عدالت سے باہر تصفیے کا امکان
- لاپتہ افراد کیس؛ سندھ ہائیکورٹ نے جبری گمشدگی پر سوالات اٹھا دیے
- وزیرستان؛ مسلح ملزمان سرکاری اسکول میں داخل، آتشیں مواد سے دھماکا
- ججز خط کیس؛ عدلیہ کو اپنی مرضی کے راستے پر دھکیلنا بھی مداخلت ہے، چیف جسٹس
- عدت نکاح کیس دوسری عدالت منتقل کرنے کی درخواست مسترد
- سابق وزیر اعظم شاہد خاقان عباسی کے خلاف نیب ریفرنس ختم
- وزیراعلیٰ پختونخوا علی امین گنڈاپور کو بھیجا گیا الیکشن کمیشن کا نوٹس معطل
- پاکستان کو کمزور طبقے کو ریلیف فراہم کرتے ہوئے مالی اہداف پر عمل کرنا ہوگا، آئی ایم ایف
- 2023، آئی پی آر کی خلاف ورزیوں سے خزانے کو 800ارب کا نقصان
- تمباکو، چینی، سیمنٹ کھاد پر لاگو ٹریک سسٹم میں خامیوں کا انکشاف
- پاکستان کا چین سے مل کر سولر پینلز کی تیاری کا منصوبہ
- 2023، بینک صارفین کو ایک ارب 26 کروڑ روپے سے زائد کا ریلیف فراہم
سعودی صحافی کا پراسرار قتل اور مغربی ممالک
سعودی صحافی جمال خشوگی کی موت ترکی میں سعودی قونصلیٹ میں ہوئی۔ سعودی عرب کے سرکاری میڈیا نے اس کی تصدیق کر دی ہے جس کے ساتھ ہی ایک شاہی فرمان کے تحت دو سعودی مشیروں سمیت 5 اعلیٰ عہدیداروںکو برطرف کر دیاگیاہے، 18 سعودی شہریوں کو گرفتار کرنے کی بھی خبر دی گئی ہے۔ حکومت سعودیہ نے جمال خشوگی کی موت پر افسوس کا اظہارکیا ہے۔
یہ پہلا موقع ہے کہ سعودی عرب کی جانب سے جمال خشوگی کی موت کی تصدیق کی گئی ہے۔ سعودی ٹی وی کے مطابق موت لڑائی کے دوران ہوئی۔ ادھر شاہ سلمان اور ترک صدر رجب طیب اردوان کے درمیان ٹیلی فون پر گفتگو ہوئی ہے جس میں جمال خشوگی کے قتل سے متعلق معلومات کے تبادلے پر اتفاق کیا ہے۔ ترک حکام کا کہنا ہے کہ سعودی صحافی کی موت سے متعلق ان کے پاس آڈیو ریکارڈنگ موجود ہے، تحقیقات مکمل ہونے پر پوری دنیا کو آگاہ کیا جائے گا۔ ادھر امریکی صدر ٹرمپ نے کہا کہ سعودی عرب کی طرف سے جمال خشوگی کی موت کی تصدیق بڑا قدم ہے لیکن جو ہوا وہ ناقابل قبول ہے۔ اقوام متحدہ کے سیکریٹری جنرل انتونیو گوٹیریس نے مطالبہ کیا ہے کہ خشوگی کے قتل میں ملوث افراد کا کڑا احتساب ہونا چاہیے۔
ایمنسٹی انٹرنیشنل نے اقوام متحدہ سے اس قتل کی غیر جانبدار تحقیقات کروانے کا مطالبہ کر دیا ہے۔ استنبول میں قائم سعودی قونصلیٹ میں ایک ایسے سعودی صحافی کا قتل جو حکومتی پالیسیوں کا ناقد اور جلا وطنی کی زندگی گزار رہا تھا‘ نے پوری دنیا میں ہنگامہ کھڑا کر رکھا ہے‘ جمال خشوگی کے قتل کی وجوہات تاحال پوری طرح منظرعام پر نہیں آ سکیں لہٰذا اس پر کوئی حتمی رائے دینا مناسب نہیں ہے تاہم جس طرح سعودی حکومت نے جمال خشوگی کے قتل کی تصدیق کی اور کچھ اہم افراد کو عہدوں سے برطرف کیا‘ اس سے کئی سوالات نے جنم لیا ہے‘ اس واقعے کو امریکا اور مغربی ممالک نے بہت زیادہ اچھالا ہے۔
امریکا اور مغربی ممالک کو کسی بھی مسلم ملک کے خلاف کوئی بہانہ چاہیے ہوتا ہے۔ سعودی صحافی جمال خشوگی کی موت بھی ایسا ہی ایک بہانہ ہے جسے امریکا اور مغربی ممالک نے خوب اچھالا۔ بہرحال مسلم ممالک خصوصاً ایسے مسلم ممالک جو امریکا اور مغربی ممالک کی ہٹ لسٹ پر ہیں‘ انھیں اقدامات اور فیصلوں تک پہنچنے سے پہلے ان کے نتائج پر اچھی طرح غور کر لینا چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔