- کوئٹہ سریاب روڈ پر پولیس موبائل پر حملہ، جوابی کارروائی میں 3 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
- صدر نے تین صوبوں کے گورنرز تعینات کرنے کی منظوری دیدی
- سی ایس ایس نتائج کا اعلان، کامیابی کی شرح 2.96 فیصد رہی
کیا سام سنگ رولر فون پر کام کررہا ہے؟
سیؤل ، جنوبی کوریا: سام سنگ کمپنی کی جانب سے حقِ ملکیت (پیٹنٹ) کی تصاویر جاری کی گئی ہے جس میں دیکھا جاسکتا ہے کہ ایک اسمارٹ فون اسکرین نیچے کے رولر سے کھینچ کر بڑا کیا جاسکتا ہے اور اس طرح اسکرین کی لمبائی دوگنی بڑھ جائے گی۔
تجزیہ کاروں نے اسے عمودی طومار والا یعنی ورٹیکل رولنگ فون کا نام دیا ہے جس کے بعد موبائل ماہرین اور سام سنگ مداحوں کےدرمیان ایک بحث شروع ہوگئی ہے اور لوگ اپنے اپنے خیالات کا اظہار کررہے ہیں۔ تاہم سام سنگ نے اسے’ گیلکسی رول‘ کا نام دیا ہے۔
لیکن اس سے قبل شائقین سام سنگ کی جانب سے کتاب کی طرح کھلنے والے یعنی ’فولڈنگ‘ فون کے منتظر ہیں کیونکہ اس کی حتمی تاریخ کا اب تک اعلان نہیں کیا گیا جو اس سال کے وسط تک بتائی جاتی رہی تھی۔ پھر بعض ویب سائٹ نے اندر کی خبر لاتے ہوئے کہا ہے کہ فولڈنگ فون کے ڈیزائن میں ٹوٹ پھوٹ سمیت کئی خرابیاں سامنے آئی ہیں جس کی وجہ سے اب تک سام سنگ فولڈ جاری نہ ہوسکا۔ دوسری جانب امریکی سیل فون سروس فراہم کرنے والی کمپنی اے ٹی اینڈ ٹی نے بھی سام سنگ فولڈ کے آرڈر منسوخ کردیئے ہیں۔
تاہم اپریل میں منتخب جگہ پر اس کی فروخت کی گئی تو عوام کی جانب سے فولڈ ہونے والے فون میں کئ مشکلات اور مسائل سامنے آئے تھے۔ اس سے ظاہر ہوتا ہے کہ فولڈ ہونے والا فون اس سال تو حقیقت نہیں بنے گا۔
دیکھنے میں یہ ایک روایتی فون لگتا ہے لیکن اس کے نچلے حصے میں گول رولر ہے جس کے اندر ڈسپلے موجود ہے اور وہ طومار (اسکرول) کی طرح کھلتا ہے۔ ٹیک کرنچ ویب سائٹ کے مطابق اس کی اوپری جانب ایک سیلفی کیمرہ اور ایئرپیس ہے۔ اس آلے کی پیٹنٹ درخواست نومبر 2018 میں دی گئی تھی۔
دوسری جانب ایل جی کمپنی نے بھی اعلان کیا ہے کہ وہ اس سال مارکیٹ میں ایک ایسا فون لارہی ہے جس میں شیشے کا ڈسپلے ہوگا لیکن اسے موڑا جاسکے گا۔ اسی بنا پر سام سنگ کا رولر فون کا خواب کئی سال بعد ہی شرمندہ تعبیر ہوسکے گا۔
تاہم سام سنگ اس سال واقعی جو فون پیش کررہا ہے وہ گیلکسی نوٹ 10 ہے جو اگست میں فروخت کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔