- کھارادر میں گارڈ کے سر پر ہتھوڑا مار کر پستول چھین لیا گیا، ویڈیو وائرل
- ڈاکوؤں کے خلاف آپریشن، سندھ پولیس کی نئی گاڑیوں کے لیے کروڑوں کے فنڈز منظور
- کوئٹہ سریاب روڈ پر پولیس موبائل پر حملہ، جوابی کارروائی میں 4 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
پریانکا چوپڑا کے ساتھ کام کرنے کے بجائے ’’وار‘‘ کو ترجیح دی، شمعون عباسی
کراچی: پاکستانی اداکار شمعون عباسی نے انکشاف کیا ہے کہ انہیں بالی ووڈ اداکارہ پریانکاچوپڑا کے ساتھ فلم میں کام کرنے کی پیشکش ہوئی تھی لیکن انہوں نے فلم ’’وار‘‘ کرنے کو ترجیح دی۔
پاکستان شوبزانڈسٹری میں ان دنوں نئے نئے انکشافات سامنے آرہے ہیں پچھلے کچھ عرصے میں کئی پاکستانی فنکاروں نے بالی ووڈ میں کام کی پیشکش کے حوالے سے لب کشائی کی ہے جن میں اداکارہ مہوش حیات، عائزہ خان اور دانش تیمور وغیرہ شامل ہیں اور اب ان میں اداکار شمعون عباسی کا بھی اضافہ ہوگیا ہے۔
اس خبرکوبھی پڑھیں: ’’پھنے خان‘‘ میں ایشوریا کے کردار کی پیشکش ہوئی تھی
حال ہی میں شمعون عباسی نے وسیم بادامی کے شو میں شرکت کی جہاں انہوں نے انکشاف کرتے ہوئے کہا کہ فلم ’’وار‘‘کی شوٹنگ کے دوران انہیں ’’رانگ نمبر2‘‘ کے پروڈیوسر حسن ضیا کا فون آیا انہوں نے بتایاکہ وہ اس وقت دہلی میں بالی ووڈ فلمساز وشال بھردواج کے ساتھ موجود ہیں اور وشال تمہیں پریانکا چوپڑا کے ساتھ کاسٹ کرناچاہتے ہیں۔
اس خبرکوبھی پڑھیں: کرینہ کے ساتھ مرکزی کردار کی پیشکش
شمعون عباسی نے بتایا کہ وہ اس دوران فلم’’وار‘‘کی شوٹنگ کررہے تھے لہذٰا انہوں نے حسن ضیا کو کہا کہ میں اس وقت ایک پاکستانی فلم کی شوٹنگ میں مصروف ہوں جس پر حسن ضیا نے کہا چھوڑو اس فلم کو دہلی آجاؤ تاہم شمعون عباسی نے کہا کہ میں ’’وار‘‘کی شوٹنگ کی وجہ سے ابھی نہیں آسکتا لیکن میں بعد میں آجاؤں گا جس پر حسن ضیا نے غصہ کرتے ہوئے کہا کہ تم کہنا چاہ رہے ہو میں پریانکا چوپڑا کو کہوں کہ تمہارے لیے انتظار کرے جس پر میں نے کہا ہاں، لیکن انہوں نے مجھے نا کردی۔
اس خبرکوبھی پڑھیں: بالی ووڈ سے فلموں کی آفرز ہوئی ہیں، عائزہ خان
شمعون عباسی نے کہا مجھے اس بات کا کوئی پچھتاوا نہیں ہے کہ میں نے پریانکا چوپڑا کے ساتھ فلم نہیں کی بلکہ مجھے خوشی اس بات کی ہے کہ میں نے فلم ’’وار‘‘میں کام کرکے پاکستان کا نام روشن کیا اور میں اپنے ملک میں رہ کر اپنی انڈسٹری کے لیے ہی کام کرنا چاہتاہوں۔
واضح رہے کہ شمعون عباسی سے قبل اداکارہ مہوش حیات نے بی بی سی کو انٹرویو دیتے ہوئے کہا تھا کہ فلم’’پھنے خان‘‘میں انہیں ایشوریا رائے کے کردار کی پیشکش ہوئی تھی جب کہ دانش تیمور نے بھی کرینہ کے ساتھ کام کی آفر کے بارے میں میڈیا کو بتایاتھا، اس کے علاوہ اداکارہ نادیہ جمیل نے بھی فلم’’ویرزارا‘‘میں شاہ رخ خان کے ساتھ کام کی پیشکش کا انکشاف کیاتھا جب کہ گزشتہ روز اداکارہ عائزہ خان کے حوالے سے بھی خبریں گردش کررہی تھیں کہ انہیں کرن جوہر کے پروڈکشن ہاؤس سے فلم کی آفر ہوئی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔