- وزارت خزانہ نے مہنگائی میں مزید کمی کی پیش گوئی کردی
- ٹی20 ورلڈکپ2024؛ کون کون سے ریکارڈ ٹوٹ سکتے ہیں؟
- خیبر میں لوڈ شیڈنگ کے خلاف احتجاج، عوام کا فیڈرز پر دھاوا
- رفح پراسرائیلی حملے میں امریکی اسلحہ استعمال ہوا؛ سی این این نے بھانڈا پھوڑ دیا
- آج عدت کیس کا فیصلہ آنا تھا مگر عدالت میں جو کچھ ہوا وہ طے شدہ تھا، بیرسٹر گوہر
- ملک میں ایل پی جی کی قیمت کم ہوگئی، آئندہ ہفتے مزید سستی ہوگی
- عمران خان نے پنجاب حکومت کی جانب سے سنگین کیسز کی منظوری کا اقدام چیلنج کردیا
- یکم جون سے پیٹرولیم مصنوعات کی قیمت مزید کم ہونے کا امکان
- سونے کی عالمی اور مقامی مارکیٹوں میں قیمت میں اضافہ
- رفح حملے کے بعد اسرائیل سے متعلق پالیسی نہیں بدلی؛ امریکا ڈھٹائی پر قائم
- امریکی گراؤنڈز؛ ناقص انفرا اسٹرکچر کی میگا ایونٹ سے قبل قلعی کھل گئی
- پی ٹی آئی کی بلے کی واپسی کیلیے لاہور ہائیکورٹ میں درخواست
- کراچی میں ڈاکوؤں نے پولیس افسر سے 80 ہزار نقد اور فون چھین لیا
- سنار کی دکان میں نقب زنی میں ملوث خاتون گرفتار
- کراچی میں ڈکیتی کیس میں ایس ایس پی عمران قریشی، ڈی ایس پی طارق بجاری بری
- پشاور؛ نامعلوم افراد کی فائرنگ سے پولیس اہل کار جاں بحق، راہ گیر زخمی
- خاور مانیکا پر پی ٹی آئی کے وکلاء کا حملہ، تھپڑ مارے
- پولیس نے لاپتہ شاعر احمد فرہاد کی گرفتاری ظاہر کر دی
- ٹی20 ورلڈکپ؛ ہیڈن نے بھی پاکستان کو ٹاپ 4 سے باہر کردیا
- دورانِ عدت نکاح کیس؛ خاور مانیکا کے عدم اعتماد پر جج کا کیس ٹرانسفر کیلیے خط
مریخ پر کھلنے والے پیراشوٹ میں ناسا کا ’خفیہ پیغام‘ کیا تھا؟
پیساڈینا، کیلیفورنیا: حالیہ ترین امریکی خلائی کھوجی ’’پریزروینس‘‘ نے جب مریخ پر اترنے کےلیے اپنا پیراشوٹ کھولا تو سفید اور سرخ رنگ کے اس پیراشوٹ میں ناسا کی طرف سے ایک ’خفیہ پیغام‘ بھی درج تھا۔
تفصیلات کے مطابق، امریکی خلائی تحقیقی ادارے ’’ناسا‘‘ نے کچھ روز قبل مریخ پر اپنے خلائی مشن ’’پریزروینس‘‘ کے اُترنے کی ویڈیو اور تصاویر سوشل میڈیا پر جاری کرنے کے بعد اعلان کیا کہ مریخ پر کھلنے والے پیراشوٹ میں ایک ’خفیہ پیغام‘ بھی ہے۔
یہ خبر بھی پڑھیے: ناسا نے مریخ کی تازہ ترین ویڈیو، تصاویر اور آوازیں جاری کردیں
اسی کے ساتھ عوام کو دعوت دی گئی کہ وہ اس خفیہ پیغام کو تلاش کریں اور پڑھنے کی کوشش کریں۔
حیرت انگیز طور پر، صرف چھ گھنٹے بعد ہی فرانس سے ایک ٹوئٹر صارف اور سافٹ ویئر انجینئر نے یہ خفیہ پیغام نہ صرف پڑھ لیا بلکہ اس کی وضاحت بھی اپنی ٹویٹ میں شیئر کرا دی:
"dare mighty things" ! Well done! @NASA @NASAPersevere pic.twitter.com/Di1hkFQApd
— Abela_Paf (@FrenchTech_paf) February 22, 2021
یہ دراصل امریکی صدر تھیوڈور روزویلٹ کی 1899 میں کی گئی ایک تقریر سے لیا گیا جملہ ہے جو پچھلے کئی برسوں سے ناسا کی مشہور ’’جیٹ پروپلشن لیبارٹری‘‘ کا نعرہ بھی ہے:
Dare Mighty Things
(عظیم کاموں کی ہمت کرو!)
پریزروینس پروجیکٹ کے چیف انجینئر، ایڈم اسٹیلٹزنر نے اس ’’درست جواب‘‘ کی تصدیق کرتے ہوئے کچھ اضافی وضاحت بھی کی۔
It looks like the internet has cracked the code in something like 6 hours! Oh internet is there anything you can’t do? For those who just want to know: #Mars2020 #CountdownToMars pic.twitter.com/yTJCEnbuLY
— Adam Steltzner (@steltzner) February 23, 2021
تصویر میں پریزروینس کا پیراشوٹ کھلا ہوا ہے جس میں سفید اور سرخ رنگ کی لکیریں نمایاں ہیں جو پیراشوٹ کے مرکز سے نکل کر باہر تک جارہی ہیں۔
ان بظاہر بے ترتیب لکیروں پر غور کیا جائے تو معلوم ہوگا کہ دراصل یہ چار ہم مرکز دائرے ہیں جبکہ ہر دائرے میں سرخ و سفید رنگ ایک مخصوص انداز (پیٹرن) لیے ہوئے ہیں۔
ناسا کا خفیہ پیغام بھی اسی ترتیب میں پوشیدہ ہے جو ’’ایسکی‘‘ (ASCII) یعنی ’’امریکن اسٹینڈرڈ کوڈ فار انفارمیشن انٹرچینج‘‘ فارمیٹ کو ظاہر کرتی ہے۔
سب سے اندرونی دائرے میں DARE لکھا ہے؛ اس سے باہر والے، دوسرے دائرے میں MIGHTY لکھا ہے؛ پھر تیسرے دائرے میں THINGS لکھا ہے؛ جبکہ سب سے باہر والے، یعنی چوتھے دائرے میں جیٹ پروپلشن لیبارٹری کے صدر دفتر (ہیڈ کوارٹرز) کا مقام درج ہے جو اس کے ’’گلوبل پوزیشننگ سسٹم‘‘ (جی پی ایس) کوآرڈی نیٹس کو ظاہر کرتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔