- یوم تکبیر پاکستان کے جوہری تجربات کی تاریخی کامیابی کی یاد دلاتا ہے، مسلح افواج
- پاکستان کی رفح میں پناہ گزینوں کے کیمپ پر اسرائیلی بربریت کی شدید مذمت
- تیسرے بچے کی پیدائش؛ جوز بٹلر پاکستان کیخلاف تیسرا ٹی ٹوئنٹی نہیں کھیلیں گے
- کراچی میں بجلی کی بدترین لوڈ شیڈنگ سے شہری بلبلا اٹھے، مختلف علاقوں میں احتجاج
- ججز کیخلاف شکایات کے جلد فیصلوں کیلئے چیف جسٹس کو خط ارسال
- نیب آرڈیننس کی نئی ترمیم منظور، ریمانڈ کی مدت 14 دن سے بڑھا کر 40 روز کردی گئی
- رواں سال یوم عرفہ کا خطبہ ڈاکٹر ماہر بن حمد المعقیلی دیں گے
- مارگلہ کی پہاڑیوں پر لگنے والی آگ کئی گھنٹوں بعد بھی مکمل نہ بجھ سکی
- بلوچستان اسمبلی کے اجلاس میں اچانک بجلی منقطع، ایوان اندھیرے میں ڈوب گیا
- پاکستان ریلوے میں ساڑھے 12 ارب روپے کی بے ضابطگیوں کا انکشاف
- کھلے سمندر میں کارروائی کے دوران 10 ارب روپے کی آئس پکڑی گئی
- رفح کراسنگ پر مصری اور اسرائیلی فوج آمنے سامنے؛ خونی جھڑپ
- پاپوا نیو گنی؛ لینڈ سلائیڈنگ میں 2 ہزار سے زائد افراد زندہ دب گئے
- امریکا پاکستان کے معاشی مستقبل کیلئے مضبوط پارٹنر ہے، ڈونلڈ بلوم
- رواں مالی سال کے پہلے 6 ماہ میں بجٹ کا 64 فیصد قرضوں کی ادائیگی پر خرچ
- اللہ تعالیٰ بانی پی ٹی آئی کو مجیب الرحمان جیسے انجام سے بچائے، راناثناء اللہ
- فرانس،اسپین اور اٹلی سمیت متعدد ممالک کی اسرائیل کے رفح پر حملے کی مذمت
- وزیراعظم کا آج یوم تکبیر پر عام تعطیل کا اعلان
- دوبارہ لڑکی پیدا کیوں کی؟ شوہر، سسر اور دیور کا خاتون پر بدترین تشدد
- اپوزیشن لیڈر کی قبائل عمائدین کو معاوضہ نہ ملنے کا مسئلہ اسمبلی میں اٹھانے کی یقین دہانی
کورونا سے بہتر تحفظ: دو ویکسینز کے تجربات کا آغاز
میری لینڈ: امریکا کے قومی ادارہٴ صحت (این آئی ایچ) نے کورونا سے بہتر تحفظ کےلیے ایک کی جگہ دو ویکسینز لگانے کے طبّی تجربات شروع کردیئے ہیں۔
این آئی ایچ کی ایک حالیہ پریس ریلیز کے مطابق، دو کورونا ویکسینز کے استعمال کی طبّی آزمائشوں (کلینیکل ٹرائلز) میں 150 رضاکار رجسٹر کیے جائیں گے۔
ان میں سے نصف افراد وہ ہوں گے جو پہلے ہی امریکا کی تین منظور شدہ کورونا ویکسینز میں سے کسی بھی ایک کی مکمل خوراک لے چکے ہیں؛ جبکہ انہیں 18 سے 55 سال اور 55 سال سے زیادہ عمر والے دو گروپوں میں تقسیم کیا جائے گا۔
دوسری ویکسین لگوانے کے 12 سے 20 ہفتے میں ان تمام رضاکاروں کو موڈرنا ویکسین کی ایک اور خوراک لگائی جائے گی۔ آزمائش میں شریک باقی کے نصف افراد وہ ہوں گے جنہوں نے اب تک کورونا وائرس کی کوئی ویکسین نہیں لگوائی ہے۔
ان رضاکاروں کو بھی 18 سے 55 سال اور 55 سال سے زیادہ عمر والے دو گروپوں میں تقسیم کیا جائے گا، تاہم انہیں دو کورونا ویکسینز ایک ساتھ لگائی جائیں گی۔
بیماری سے بہتر تحفظ کےلیے دو ویکسینز ایک ساتھ ملانے کا تصور کوئی نیا نہیں بلکہ مختلف ویکسینز کے معاملے میں ایسا ہوتا رہا ہے۔ برطانیہ، اسپین اور روس سمیت کئی یورپی ممالک میں دو کورونا ویکسینز ایک ساتھ دینے کی طبّی آزمائشیں یا تو شروع ہوچکی ہیں یا پھر شروع ہونے والی ہیں۔
امریکا میں دو کورونا ویکسینز کی آزمائشیں بھی اسی سلسلے کی کڑی ہیں۔
این آئی ایچ کی پریس ریلیز سے یہ بھی معلوم ہوا ہے کہ امریکا میں ہونے والی ان طبّی آزمائشوں کے اوّلین نتائج آئندہ دو سے تین ماہ میں عوام کے سامنے پیش کردیئے جائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔