- کھارادر میں گارڈ کے سر پر ہتھوڑا مار کر پستول چھین لیا گیا، ویڈیو وائرل
- ڈاکوؤں کے خلاف آپریشن، سندھ پولیس کی نئی گاڑیوں کے لیے کروڑوں کے فنڈز منظور
- کوئٹہ سریاب روڈ پر پولیس موبائل پر حملہ، جوابی کارروائی میں 4 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
دیوقامت آنکھ جیسی اور عربی خطاطی والی یہ عمارت کیسی ہے؟
دبئی: اوپر تصویر میں دکھائی دینے والی عمارت ایک ایسی دیوقامت آنکھ کی طرح نظر آتی ہے جس کے سفید حصے پر عربی خطاطی کردی گئی ہو۔ لیکن دراصل یہ دبئی کے بیچوں بیچ ’’متحف المستقبل‘‘ یعنی ’’مستقبل کے عجائب گھر‘‘ کی عمارت ہے۔
اس عمارت کی مختلف منزلیں ہیں جہاں آپ مستقبل کی دنیا کے بارے میں جان سکتے ہیں۔
اس کی ایک منزل بچوں کےلیے مخصوص ہے جس میں خوبصورت اینی میشنز اور آسان معلومات کے ذریعے مستقبل کی سائنس اور ٹیکنالوجی کے بارے میں بتایا گیا ہے۔
علاوہ ازیں، ورچوئل رئیلیٹی چشمے پہنچ کر وہ بچے ایمیزون کے بارانی جنگلات کی سیر بھی کرسکتے ہیں۔ ویسے اس منزل سے بڑی عمر کے لوگ بھی لطف اندوز ہوسکتے ہیں۔
عمارت کے بیرونی حصے پر عربی خطاطی دیکھ کر گمان ہوتا ہے کہ شاید یہ قرآنِ پاک کی آیتیں ہیں لیکن درحقیقت یہ دبئی کے حکمران شیخ محمد بن راشد المکتوم کے اقوالِ زریں ہیں جنہیں مشہور خطاط مطر بن لاحج نے یہ خوبصورت شکل دی ہے۔
عجائب گھر کی بیرونی دیواریں سرمئی رنگ کی ہیں جن پر پڑنے والی روشنی منعکس ہوتی ہے تو یوں لگتا ہے کہ جیسے پوری عمارت چاندی سے بنی ہوئی ہے۔
’’متحف المستقبل‘‘ کی بیرونی دیواروں کو یہ منفرد ساخت 1024 پینلز استعمال کرتے ہوئے دی گئی ہے جبکہ خصوصی الگورتھمز پر کام کرنے والے خاص روبوٹس نے یہ تمام پینلز تیار کیے ہیں۔
مستقبل کے اس عجائب گھر کی تعمیر میں 18 مہینے لگے ہیں اور اس کے اردگرد کی کھلی جگہ میں 100 مختلف انواع کے درخت اور پودے لگائے گئے ہیں جو خشک سالی برداشت کرنے کی صلاحیت رکھتے ہیں۔
عمارت کی زیادہ سے زیادہ اونچائی 77 میٹر (252 فٹ) ہے جبکہ اس کی سات منزلوں کا مجموعی رقبہ 30 ہزار مربع میٹر (3 لاکھ 22 ہزار مربع فٹ) ہے۔
ہر دو منزلوں کے درمیان چکردار سیڑھیاں بھی ہیں جو اس عمارت کے اندرونی حسن کو چار چاند لگاتی ہیں۔
دبئی میں مستقبل کا عجائب گھر بہت تیزی سے مقبول ہورہا ہے۔ جہاں آنے کےلیے شائقین کو دس سے بارہ دن بعد کا ٹکٹ ہی مل رہا ہے۔ اس کے باوجود وہ جوق در جوق ٹکٹ خرید رہے ہیں جو صرف اس میوزیم کی ویب سائٹ پر ہی آن لائن دستیاب ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔