- کراچی: عدالت کی پہلے کمرشل و صنعتی صارفین سے میونسپل چارجز وصولی کی تجویز
- مہوش حیات، کبریٰ خان ہتک عزت کیس میں ڈپٹی ڈائریکٹر سائبر کرائم طلب
- گریٹر اقبال پارک میں ماں نے 4 بچوں کو لاوارث چھوڑ دیا
- عالمی عدالت اسرائیل کے جنگی جرائم کی تحقیقات کرے؛ ایمنسٹی انٹرنیشنل
- جن کے پاس کھانے کو بھی نہیں کے الیکٹرک وہاں لوڈشیڈنگ کرتی ہے، ہائی کورٹ
- عالمی و مقامی مارکیٹ میں سونے کی قیمت میں اضافہ
- تعلیمی اداروں میں منشیات کا بڑھتا ہوا استعمال، سندھ اسمبلی کا قانون سازی کا مطالبہ
- منشیات فروشوں کیخلاف کریک ڈاؤن اس لعنت کے خاتمے تک جاری رہے گا، شرجیل میمن
- ایف آئی اے انٹرپول کی کارروائی؛ 10 سال سے مطلوب ملزم سعودی عرب سے گرفتار
- سرکاری افسران کا پرائیویٹ گاڑیوں پر جعلی سرکاری نمبر پلیٹس لگانے کا انکشاف
- عدالتی رپورٹنگ پر پابندی کے پیمرا نوٹیفیکیشن پر عمل درآمد روکنے کا حکم
- غزہ؛ حماس کیساتھ جھڑپ میں زخمی ہونے والا اسرائیلی فوجی ہلاک
- ریاست لوگوں کو تحفظ دینے میں مکمل ناکام ہو چکی ہے، پشاور ہائی کورٹ
- سردار تنویر الیاس کی ضمانت منظور، رہائی کا حکم
- کے الیکٹرک بے لگام گھوڑا اور آئین کی خلاف ورزی کررہا ہے، شرجیل میمن
- مارگلہ ٹریل پر لاپتا ہونے والے نوجوان کی لاش خطرناک کھائی سے مل گئی
- اسرائیل کی خیمہ بستی پر آگ و بارود کی بارش، 75 فلسطینی جھلس گئے، بچوں کی سربریدہ لاشیں برآمد
- قومی اسمبلی سیکریٹریٹ ملازمین کے منجمد الاؤنسز بحال، بجلی و تیل الاؤنس میں اضافہ
- کراچی؛ پولیس مقابلوں کے دوران 16 ڈاکو گرفتار، اسلحہ برآمد
- پاسپورٹ رولزمیں خواتین اور بچوں سے متعلق ترامیم کی تجویز
پڑوسی ملکوں سے تجارت کے لیے ریل کو ریڈور تعمیر کرنا چاہتے ہیں، خرم دستگیر
اسلام آباد: وفاقی وزیر تجارت خرم دستگیر نے کہا ہے کہ ایران اور افغانستان کے ساتھ براہ راست اور ٹرانزٹ ٹریڈ کو فروغ دینے کے لیے جدید ریل ٹریک بچھانے اور موجودہ روٹس کو بہتر بنانے میں گہری دلچسپی ہے۔
جنوبی افریقی تجارتی وفد سے ملاقات میں انھوں نے کہاکہ حکومت ریل ٹریکس کو ٹریڈ کوریڈور سمجھتی ہے کیونکہ اس سے پاکستانی برآمدات کے فروغ میں اہم کردار ادا کرنے کے ساتھ ٹرانزٹ ٹریڈ کے لیے بھی سہولت ملتی ہے، حکومت پڑوسی ملکوں بشمول افغانستان اور ایران کے ساتھ تجارت بڑھانے کے لیے مربوط لوکوموٹیو سروسز میں گہری دلچسپی رکھتی ہے، ہم گوادر پورٹ سے ملک بھر کے لیے اور ٹرانزٹ ٹریڈ کے لیے افغانستان تک جدید ریل لنک قائم کر رہے ہیں۔
ایران کے ساتھ تجارت کے لیے موجودہ ریل انفرااسٹرکچر کی تعمیر نو بھی زیرغور ہے کیونکہ ایران کے ساتھ تجارتی روابط مضبوط ہو رہے ہیں۔ انھوں نے کہاکہ حکومت برآمدی صنعتی شعبے کی بجلی ضروریات پوری کرنے کے لیے کافی وسائل استعمال کررہی ہے، اس مقصد کے لیے پاور پلانٹس بشمول سپرکریٹیکل ٹیکنالوجی ساہیوال کول پاور پلانٹ پر کام تیزی سے جاری ہے، ہم ساہیوال پلانٹ کے لیے درآمدی خام مال کی سپلائی ریل روٹ کے ذریعے ممکن بنائیں گے۔ انھوں نے وفد کو بتایا کہ پاکستان جنوبی افریقہ کے ساتھ ترجیحی تجارتی معاہدے (پی ٹی اے) پر مذاکرات شروع کرنا چاہتا ہے تاکہ دونوں ملکوں کے درمیان تجارت کو بڑھایا جا سکے۔
جنوبی افریقی وفد نے فنڈنگ، ریل انفرااسٹرکچر کی ترقی، خدمات، ٹیکنالوجی ٹرانسفر، انسانی وسائل کی تربیت اور مختلف منصوبوں کو درآمدی خام مال کی فراہمی کے لیے مکمل لاجسٹکس سپورٹ کے لیے اپنے تعاون کی پیشکش کی۔ جنوبی افریقی وفد کی سربراہی ملٹی کونٹیننٹ انویسٹمنٹ کمپنی میسرز گرینڈروڈریل کے ویلیم گوسین کر رہے تھے جبکہ جنوبی افریقہ میں کام کرنے والے پاکستانی تاجر اشفاق انور بھی ان کے ساتھ تھے۔ دریں اثناء کورین سفیر ڈاکٹر سونگ جونگ۔ہوان نے بھی وفاقی وزیرتجارت سے ملاقات کی اور باہمی دلچسپی کے امور پر گفتگو کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔