- پنجاب میں چائلڈ لیبر کے سدباب کے لیےکونسل کے قیام پرغور
- بھارتی وزیراعظم وزرا کے غیرذمہ دارانہ بیانات یکسر مسترد کرتے ہیں، دفترخارجہ
- وفاقی وزارت تعلیم کا اساتذہ کی جدید خطوط پر ٹریننگ کیلیے انقلابی اقدام
- رواں مالی سال کی پہلی ششماہی میں معاشی حالات بہترہوئے، اسٹیٹ بینک
- شاہین آفریدی پیدائشی کپتان ہے، عاطف رانا
- نسٹ کے طلبہ کی تیار کردہ پاکستان کی پہلی ہائی برڈ فارمولا کار کی رونمائی
- مخصوص طبقے کو کلین چٹ دینے کیلیے نیا پروپیگنڈا تیار کیا جارہا ہے، فیصل واوڈا
- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- تیسرا ٹی ٹوئنٹی: آئرلینڈ کی پاکستان کیخلاف بیٹنگ جاری
- دکی میں کوئلے کی کان پر دہشت گردوں کے حملے میں چار افراد زخمی
- بنگلادیش نے ٹی ٹوئنٹی ورلڈ کپ کیلئے اسکواڈ کا اعلان کردیا
- 100 دنوں میں 200 فلائٹس کے مسافر بیگز سے سونا چوری کرنے والا ملزم گرفتار
- سنی اتحاد کونسل نے چیئرمین پی اے سی کیلئے شیخ وقاص اکرم کا نام اسپیکر کو بھیج دیا
- آزاد کشمیر میں احتجاج کے دوران انسانی جانوں کے ضیاع پر افسوس ہے، وزیراعظم
- جنوبی وزیرستان کے گھر میں ہونے والا دھماکا ڈرون حملہ تھا، رکن اسمبلی کا دعویٰ
- دنیا کا گرم ہوتا موسم، مگرناشپاتی کے لیے سنگین خطرہ
- سائن بورڈ کے اندر سے 1 سال سے رہائش پذیر خاتون برآمد
- انٹرنیٹ اور انسانی صحت کے درمیان مثبت تعلق کا انکشاف
- ڈالر کے مقابلے میں روپے کی قدر میں اضافے کا سلسلہ جاری
وٹامن ڈی دل کی شریانوں کو صحتمند رکھتا ہے
واشنگٹن: وٹامن ڈی سپلیمنٹ زیادہ مقدار میں استعمال کرنے سے دل کی رگیں لچکدار اور تندرست رہتی ہیں اور ساتھ ہی فالج اور دل کے دورے کا خطرہ بھی کم ہوتا ہے جب کہ وٹامن ڈی کی زائد مقدار استعمال کرنے سے انسانی جسم پر کوئی منفی اثر بھی نہیں ہوتا۔
امریکی ریاست جارجیا کے شہر آگسٹا میں اس حوالے سے یہ مطالعہ کم افراد پر کیا گیا لیکن اس کے نتائج مثبت ہیں اور بتاتے ہیں کہ وٹامن ڈی دل کےلیے بہتر ثابت ہوسکتا ہے۔
آگسٹا یونیورسٹی میں واقع جارجیا میڈیکل کالج کے پروفیسر ڈاکٹر یانبن ڈونگ کہتے ہیں کہ جب شرکا کو وٹامن ڈی کی زیادہ مقدار دی گئی تو ان کے دل کی رگوں کی لچک بڑھ گئی جب کہ رگوں کی سختی بھی کم نوٹ کی گئی۔ جیسے جیسے وٹامن ڈی کی مقدار بڑھائی گئی، رگیں اسی لحاظ سے نرم اور لچکدار ہوتی گئیں۔ ہم جانتے ہیں کہ وٹام ڈی ہڈیوں کی بہتری اور مضبوطی میں بہت اہم کردار ادا کرتا ہے تاہم دیگر ڈاکٹروں کا خیال تھا کہ وٹامن ڈی کے دیگر بہت سے فوائد بھی ہیں ۔
اس کےلیے ڈاکٹر یانبن اور ان کے ساتھیوں نے 70 کے قریب سیاہ فام امریکیوں کو بھرتی کیا جن میں وٹامن ڈی کی کمی تھی۔ ہم جانتے ہیں کہ انسانی جلد دھوپ جذب کرکے قدرتی طور پر بدن میں وٹامن ڈی بناتی ہے لیکن سیاہ فام افراد کی گہری رنگت والی جلد سورج کی روشنی اچھی طرح جذب نہیں کرپاتی اور یوں سیاہ فام افراد کی اکثریت وٹامن ڈی کی قلت کا شکار ہوتی ہے۔ ساتھ ہی موٹے افراد میں چکنائی کی وجہ سے دھوپ جلد کی اس گہرائی تک نہیں جاسکتی جہاں وٹامن ڈی کی تالیف ہوسکے۔ اسی بنا پر ماہرین نے سیاہ فام اور فربہ افراد کا انتخاب کیا تھا۔
ماہرین نے شرکا کو 4 گروہوں میں تقسیم کیا جن میں سے 3 گروپس کو بالترتیب وٹامن ڈی کے 600 انٹرنیشنل یونٹ (آئی یو)، 2000 آئی یو اور 4000 آئی یو دیئے گئے جب کہ آخری اور چوتھے گروپ کو صرف فرضی دوا (پلاسیبو) دی گئی۔
اگرچہ عالمی ماہرین بالغ افراد کےلیے روزانہ وٹامن ڈی کے 600 یونٹ تجویز کرتے ہیں لیکن ماہرین نے اس کی کئی گنا مقدار بھی دی تاکہ اس کے اثرات دیکھے جاسکیں۔ جس گروپ نے 2000 یونٹ وٹامن ڈی کھایا ان کی رگوں کی سختی میں 2 فیصد کمی ہوئی جب کہ 600 یونٹ والوں میں یہ کمی 0.1 فیصد تھی۔ فرضی دوا کھانے والوں کی شریانوں کی سختی ڈھائی فیصد بڑھی۔ جن افراد کو 4000 یونٹ وٹامن ڈی کی خوراک دی گئی ان کی رگوں کی سختی 10 فیصد تک کم ہوئی جو سب سے زیادہ تھی۔
ان تمام افراد کو 6 ہفتوں تک وٹامن ڈی کی گولیاں کھلائی گئیں۔ اس کے علاوہ وٹامن ڈی جسم کی اندرونی سوزش یا انفلیمیشن کو بھی کم کرتا ہے۔ دیگر ماہرین نے اس تحقیق کو خوش آئند اور مفید قرار دیا ہے۔
ماہرین کہتے ہیں کہ دل کی شریانوں میں سختی اور تنگی سے دل کے دورے اور فالج کے خطرات بڑھ جاتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔