چاند پر جانے والے پہلے نجی مسافر کے نام کا اعلان

کیلیفورنیا: چاند کی سیر کو جانے والے پہلے خوش قسمت مسافر کے نام کا اعلان کردیا گیا ہے جن کا تعلق جاپان سے ہے۔

بین الاقوامی خبر رساں ادارے کے مطابق ایلون مسک کی خلائی کمپنی سپیس ایکس نے چاند پر جانے والے پہلے مسافر کے نام کا اعلان کردیا ہے۔ 42 سالہ جاپانی ارب پتی، معروف کاروباری شخصیت اور فیشن ٹائیکون یوساکا مائیزاوا سپیس ایکس کے راکٹ کے ذریعے چاند تک سفر کرنے والے پہلے نجی مسافر ہوں گے۔

pic.twitter.com/dUpiavvM1Z

— Elon Musk (@elonmusk) September 17, 2018

جاپانی تاجر نے سماجی رابطے کی ویب سائٹ ٹویٹر پر اپنے ایک پیغام میں چاند پر جانے کی تصدیق کرتے ہوئے لکھا کہ میں نے چاند تک جانے کا ارادہ کر لیا ہے۔ وہ ایلون مسک کی جانب سے متعارف کرائی گئی بی ایف آر یعنی (Big Falcon Rocket) کے ذریعے چاند پر جائیں گے۔

I choose to go to the moon, with Artists. #dearMoon https://t.co/ivMypEcWBZ

— Yusaku Maezawa 前澤友作 (@yousuck2020) September 18, 2018

اب تک چاند پر صرف 24 انسانوں نے تین اپالو مشنز کے ذریعے قدم رکھا ہے اور وہ سب امریکی تھے۔ تاہم ناسا کے اپولو 17 مشن کے بعد یہ پہلا موقع ہو گا کہ کوئی انسان چاند تک جائے گا اور وہ بھی غیر امریکی ہوگا۔

ایلون مسک نے اس سفر کو ’مون لوپ‘ کا نام دیا ہے، گو ایلون مسک کی جانب سے پہلے مسافر کے نام اعلان کردیا گیا ہے تاہم ابھی چاند کی جانب سفر کی تاریخ کا اعلان نہیں کیا گیا ہے جس کی وجہ چاند تک جانے والے راکٹ کا تاحال مکمل نہ ہو پانا ہے۔

Hanging out with @yousuck2020 before the @SpaceX moon mission announcement pic.twitter.com/RTOwutzMtG

— Elon Musk (@elonmusk) September 18, 2018

واضح رہے کہ گزشتہ برس  ایلون مسک نے دو مسافروں کو چاند کے مدار کا چکر لگوانے کا اعلان کیا تھا جس کے لیے وہ مسافروں سے بھاری کرایہ وصول کریں گے۔