- کراچی میں گرمی کی لہر، مئی کے اوسط درجہ حرارت کا ریکارڈ ٹوٹ گیا
- زرمبادلہ کی مارکیٹوں میں ڈالر کے مقابلے میں روپیہ مستحکم
- سائفر کیس: انٹرنیٹ پرموجود لیکڈ آڈیوز کو درست نہیں مانتا، جسٹس گل حسن اورنگزیب
- عمران خان نے چئیرمین پی اے سی کے لیے وقاص اکرم کے نام کی منظوری دیدی
- سوال پسند نہ آنے پر شیرافضل مروت کے ساتھیوں کا صحافی پر تشدد
- مالی سال 25-2024کا بجٹ جون کے پہلے ہفتے میں پیش کیے جانے کا امکان
- کورونا وائرس سے بچاؤ کے لیے نئی ویکسین کی آزمائش
- بیوی کی بے لوث خدمت، شوہر 10 سال بعد کومے سے زندگی کی طرف لوٹ آیا
- بجلی کی قیمت میں دو روپے 83 پیسے فی یونٹ اضافہ
- کراچی : تین ڈاکو پولیس اہلکار سے بائیک چھین کر فرار، چوتھا زخمی حالت میں گرفتار
- افغانستان میں طالبان ملٹری کی گاڑی دھماکے میں تباہ؛ 6 ہلاک اور 8 زخمی
- 2014ء کے دھرنے کی انکوائری کے لیے تیار ہوں، عمران خان
- سندھ ہائر ایجوکیشن کمیشن کے تحت جاب فیئر کل ایکسپو سینٹر کراچی میں ہوگا
- اذلان شاہ ہاکی ٹورنامنٹ؛ پاکستان کے فائنل کھیلنے کے امکانات روشن
- شیر افضل پارٹی اختلافات پر پھٹ پڑے، شبلی فراز اور عمر ایوب کو لیڈر ماننے سے انکار
- کراچی میں اغوا کی جانے والی ساڑھے4 سالہ بچی بازیاب، اغوا کارخاتون گرفتار
- بلوچستان میں حوالہ ہنڈی اور بجلی چوری کے خلاف کریک ڈاؤن
- سونے کی عالمی اور مقامی مارکیٹوں میں قیمت آج مزید کم ہو گئی
- پاکستان کا پہلا سیٹلائٹ خلائی مشن آئی کیوب چاند کے مدار میں داخل
- یوکرینی صدر کو قتل کرنے کی سازش پکڑی گئی؛ 2 کرنل گرفتار
افغان خفیہ ایجنسی کے تربیتی مرکز پر خود کش حملہ
افغانستان میں گزشتہ روز اس کی خفیہ ایجنسی این ڈی ایس کے تربیتی مرکز پر طالبان کے خودکش حملے میں 126 اہلکار ہلاک ہو گئے جب کہ چاروں حملہ آور بھی مبینہ طور پر مارے گئے۔
ایک غیر ملکی خبررساں ادارے کی رپورٹ کے مطابق افغان طالبان نے یہ حملہ کابل سے 50 کلومیٹر دور جنوبی صوبے وردک کے صدر مقام میدان شہر میں قائم ملٹری کمپاؤنڈ پر صبح کے وقت کیا۔ افغانستان کی وزارت داخلہ کے حوالے سے میڈیا نے بتایا ہے کہ طالبان کا ایک خودکش بمبار دھماکا خیز سے بھری گاڑی فوجی اڈے کا مرکزی دروازہ توڑ کر کمپاؤنڈ کے اندر لے گیا اور وہاں پہنچ کر دھماکا کر دیا۔
اطلاعات کے مطابق دھماکا اتنا زوردار تھا کہ اس کی آواز دور دور تک سنی گئی۔ واقعے کے بعد ٹریننگ کیمپ کی پوری عمارت زمیں بوس ہو گئی۔ دھماکے کے بعد تین حملہ آور فوجی اڈے میں جا گھسے جس کے بعد سیکیورٹی فورسز اور طالبان جنگجوؤں کے درمیان جھڑپ کا سلسلہ شروع ہو گیا۔ فائرنگ کے تبادلے میں تینوں حملہ آور بھی مارے گئے۔
افغان وزارت دفاع کے مطابق دھماکے میں ہلاک ہونے والوں میں نیشنل ڈائریکٹوریٹ آف سیکیورٹی (این ڈی ایس) کے 8 اسپیشل کمانڈوز بھی شامل ہیں۔ افغان وزارت دفاع کے مطابق حملہ طالبان کی جانب سے کیا گیا جنہوں نے حملے کے لیے افغان فورسز سے چھینی گئی گاڑی کا استعمال کیا تا کہ چیک پوائنٹس پر آسانی سے گزر سکیں۔ دوسری جانب طالبان کے ترجمان ذبیح اﷲ نے حملے کی ذمے داری قبول کرتے ہوئے دعویٰ کیا کہ افغان حکومت اسپیشل فورسز کے 90 اہلکار ہلاک اور 100 سے زائد زخمی ہوئے ہیں۔
اس کمپاؤنڈ میں 200 سے 250 اہلکار تعینات تھے۔ صوبائی کونسل کے رکن محمد سردار بختیاری کے مطابق افغان خفیہ ایجنسی این ڈی ایس کے مرکز پر 150 کے قریب اہلکار تعینات تھے۔ یاد رہے کہ ایک دن قبل صوبہ لوگر کے گورنر کے قافلے پر طالبان کے حملے میں 7سیکیورٹی اہلکار جان کی بازی ہار گئے تھے۔
افغان صدر اشرف غنی نے این ڈی ایس کے مرکز پر حملے کی مذمت کرتے ہوئے کہاکہ یہ کارروائی ملک دشمنوں کی ہے۔ یہ حملہ ایسے وقت میں کیا گیا ہے جب طالبان اور امریکا کے درمیان مذاکرات کی باتیں ہو رہی ہیں۔ زلمے خلیل زاد اس سلسلے میں پاکستان کا دورہ بھی کر کے گئے ہیں۔ پاکستان بھی چاہتا ہے کہ افغانستان میں امن قائم ہو جائے لیکن افغانستان کے اندر جس قسم کی وارداتیں ہو رہی ہیں اس سے خدشات جنم لے رہے ہیں کہ کہیں طالبان اور امریکا کے درمیان مذاکرات کا جو سلسلہ شروع ہوا ہے وہ بغیر کسی نتیجے کے اختتام تک پہنچ جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔