- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
نیٹو سپلائی پاکستان کے اپنے مفاد اور خطے میں قیام امن کیلئے ہے، نیٹو چیف
برسلز: نیٹو کے سیکریٹری جنرل آندرے فوگ راسموسین نے کہا ہے کہ نیٹو سپلائی پاکستان کے اپنے مفاد اور خطے میں امن کے قیام کے لیے ہے، امید ہے پاکستان اسے بند نہیں کرے گا۔
نیٹو ہیدکوارٹر میں صحافیوں سے بات چیت کرتے ہوئے انہوں نے کہا کہ پاکستانی عوام نے دہشتگردی سے بہت زیادہ نقصان اٹھایا ہے اور نیٹو کو کالعدم تحریک طالبان پاکستان کے سربراہ حکیم اللہ محسود کی ڈرون حملے میں ہلاکت کے بعد پاکستان کو لاحق دہشتگردی کے خطرات کا علم ہے تاہم امید ہے کہ حکومت پاکستان نیٹو سپلائی جاری رکھے گا اور نیٹو کنٹینرز کو مکمل تحفظ فراہم کیا جائے گا کیونکہ یہ پاکستان کے اپنے مفاد اور خطے میں امن کے قیام کے لئے بھی مفید ہے۔
تحریک طالبان پاکستان کے سربراہ حکیم اللہ محسود کی امریکی ڈرون حملے میں ہلاکت کے حوالے سے پوچھے گئے ایک سوال کےجواب میں نیٹو چیف کا کہنا تھا کہ وہ اس حوالے سے کچھ نہیں کہ سکتے تاہم دہشتگرد پورے خطے کے لئے خطرہ ہیں، پاکستان آرمی اور حکومت کو اس بات کا احساس ہے کہ دہشتگردی کے خلاف تعاون ان کے اپنے مفاد میں ہے۔ ان کا کہنا تھا پاکستان اور افغانستان کی سیکورٹی ایک دوسرے سے جڑی ہوئی ہے اور اگر ایک ملک میں سیکورٹی کی صورت حال ٹھیک نہیں ہو گی تو دوسرے ملک میں بھی سیکیورٹی کی صورت حال ٹھیک نہیں ہو سکتی۔
واضح رہے کہ گزشتہ ہفتے کالعدم تحریک طالبان پاکستان کے سربراہ حکیم اللہ محسود کی امریکی ڈرون حملوں میں ہلاکت کو امن عمل کو سبوتاژ کرنے کی سازش قرار دیا جا رہا ہے جب کہ قومی اسمبلی میں وزیر داخلہ چوہدری نثار علی خان کا کہنا تھا کہ طالبان سے مذاکرات کے لئے ماحول سازگارہو چکا تھا لیکن امریکا نے ڈرون حملہ کر کے امن عمل کی دھجیاں بکھیر کر رکھ دیں۔ دوسری جانب پاکستان تحریک انصاف کے سربراہ عمران خان نے وفاقی حکومت کو ڈرون حملے بند کرنے کے لئے 20 نومبر تک کی ڈیڈ لائن دیتے ہوئے کہا ہے کہ اگر وفاقی حکومت نے ڈرون حملے بند نہ کرائے تو خیبرپختونخوا سے نیٹو سپلائی بند کر دیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔