تازہ ترین

یوم آزادی کے موقع پر شوبز ستاروں کے قوم کیلیے پیغامات

اللہ ہمیں وطن سے محبت کے پیغام کو سمجھنے کی توفیق عطا فرمائے اور پاکستان ہمیشہ سلامت رہے، حمزہ علی عباسی

ویب ڈیسک جمعـء 14 اگست 2020

پاکستان ہمیشہ سلامت رہے، حمزہ علی عباسی

ملکی شوبز ستاروں نے جشن آزادی کے موقع پر مداحوں کے لیے پیغامات بھیجے اور تصاویر شیئر کیں۔

دنیا بھر میں موجود پاکستانی آج 74واں جشن آزادی جوش و جذبے کے ساتھ منا رہے ہیں تاہم کورونا وائرس کے باعث پاکستان سمیت دنیا بھر میں جشن آزادی کی تقریبات کو محدود رکھا گیا ہے البتہ سیاسی وسماجی شخصیات سمیت شوبز ستاروں نے بھی قوم کو آزادی کی مبارکباد دی۔

اداکار شان شاہد نے سماجی رابطے کی ویب سائٹ پر ٹوئٹر کے ذریعے قوم کو مبارکباد دی۔ اپنے پیغام میں انہوں نے کہا کہ پاکستان میرا پیار، جذبہ، حب الوطنی ہے اور میں دعا کرتا ہوں کہ یہ قوم سبز وسفید رنگ کے پرچم میں یوں ہی متحد رہیں، میں ہمیشہ ملک سے محبت اور حفاظت کا عہد لیتا ہوں۔

https://twitter.com/mshaanshahid/status/1294041629440057354

اداکار حمزہ علی عباسی نے اپنی ٹوئٹ میں کہا کہ اللہ ہمیں وطن سے محبت کے پیغام کو سمجھنے کی توفیق عطا فرمائیں اور پاکستان ہمیشہ سلامت رہے۔

https://twitter.com/iamhamzaabbasi/status/1293998274765037569

اداکار عدنان صدیقی نے بھی ٹوئٹر کے ذریعے جشن آزادی کی مبارک باد دی اور ساتھ ہی ایک ویڈیو بھی شیئر کی۔ اپنے بیان میں انہوں نے کہا کہ وطن کی آزادی کے لیے تاریخ ہمارے آباؤ اجداد کے خون سے بھری پڑی ہے۔

As we celebrate our 74th I’ Day, I cannot but feel an overwhelming sense of pride towards our country. History is replete with heroic struggles of our ancestors who martyred themselves selflessly so that us, the future generations, could enjoy the fruits of an independent nation. pic.twitter.com/kPJKCatC9t

— Adnan Siddiqui (@adnanactor) August 13, 2020