- مسلح ملزمان نے سابق ڈی آئی جی کے بیٹے کی گاڑی چھین لی
- رضوان اور فخر کی شاندار بیٹنگ، پاکستان نے دوسرے ٹی ٹوئنٹی میں آئرلینڈ کو ہرادیا
- آئی ایم ایف نے ایف بی آر سے 6 اہم امور پر بریفنگ طلب کرلی
- نارتھ ناظم آباد میں مبینہ طور پر غیرت کے نام پر بھائی نے بہن کو قتل کردیا
- کراچی ایئرپورٹ پر روڈ ٹو مکہ پراجیکٹ کا افتتاح،پہلی پرواز عازمین حج کو لیکر روانہ
- شمسی طوفان سے پاکستان پر کوئی اثرات مرتب نہیں ہوئے، سپارکو
- سیاسی جماعتیں آپس میں بات نہیں کریں گی تو مسائل کا حل نہیں نکلے گا، بلاول
- جرمنی میں حکومت سے کباب کو سبسیڈائز کرنے کا مطالبہ
- بچوں میں نیند کی کمی لڑکپن میں مسائل کا سبب قرار
- مصنوعی ذہانت سے بنائی گئی آوازوں کے متعلق ماہرین کی تنبیہ
- دنیا بھر کی جامعات میں طلبا کا اسرائیل مخالف احتجاج؛ رفح کیمپس قائم
- رحیم یار خان ؛ شادی سے انکار پر والدین نے بیٹی کو بدترین تشدد کے بعد زندہ جلا ڈالا
- خالد مقبول صدیقی ایم کیو ایم پاکستان کے چیئرمین منتخب
- وزیراعظم کا ہاکی ٹیم کے ہر کھلاڑی کیلئے 10،10 لاکھ روپے انعام کا اعلان
- برطانیہ؛ خاتون پولیس افسر کے قتل پر 75 سالہ پاکستانی کو عمر قید
- وزیراعظم کا آزاد کشمیر کی صورتحال پر گہری تشویش کا اظہار، ہنگامی اجلاس طلب
- جماعت اسلامی کا اپوزیشن اتحاد کا حصہ بننے سے انکار
- بجٹ میں سیلز اور انکم ٹیکسز چھوٹ ختم کرنے کی تجویز
- پیچیدہ بیماری اور کلام پاک کی برکت
- آزاد کشمیر میں مظاہرین کا لانگ مارچ جاری، انٹرنیٹ سروس متاثر، رینجرز طلب
بھارت کی ناکامی، کشمیر اقوام متحدہ اجلاس کے ایجنڈے میں شامل
نیویارک: بھارت کی سر توڑ کوششوں کے باوجود اقوام متحدہ جنرل اسمبلی کے سالانہ اجلاس کے ایجنڈے میں کشمیر کو حل طلب تنازع کے طور پر شامل کرلیا گیا ہے اور اس طرح بھارت کو شرمناک ناکامی کا سامنا کرنا پڑا ہے۔
عالمی خبر رساں ادارے کے مطابق اقوام متحدہ کی جنرل اسمبلی کے 75 ویں سالانہ اجلاس کا آغاز ہوگیا ہے، نیویارک میں ہونے والا یہ اجلاس کورونا وبا کے باعث ورچوئل ہوگا جس میں ارکان آن لائن شرکت کرسکیں گے۔
بھارت نے اپنے گزشتہ برس 5 اگست کے اقدامات اور کشمیریوں پر مظالم پر پردہ ڈالنے کے لیے رواں برس جنرل اسمبلی کے اجلاس میں کشمیر کا ایجنڈا شامل نہ کرنے کے لیے سفارتی سطح پر لابنگ اور بھرپور کوششیں کیں جو ناکام رہیں اور کشمیر کو حل طلب تنازع کے طور پر ایجنڈے میں شامل کرلیا گیا۔
گزشتہ برس کی طرح رواں اجلاس میں بھی وزیر اعظم عمران خان 23 ستمبر کو ایک مرتبہ پھر کشمیر میں بھارتی فوج کے مظالم اور مودی سرکار کی انسانی حقوق کی سنگین خلاف ورزیوں سے دنیا کو آگاہ کریں گے اور عالمی برادری سے ٹھوس اور موثر اقدامات اٹھانے کا مطالبہ کریں گے۔
اس حوالے سے اقوام متحدہ میں پاکستان کے مستقل نمائندے منیر اکرم کا کہنا ہے کہ وزیر اعظم عمران خان 5 اگست 2019 کو بھارتی پارلیمنٹ کی جانب سے آئین میں ترمیم کرکے مقبوضہ کشمیر کی خصوصی حیثیت کے خاتمے کیخلاف آواز اُٹھائیں گے اور کشمیر کی سابقہ حیثیت بحال کرانے کی کوششیں کریں گے۔
اقوام متحدہ کی جنرل اسمبلی کے 75 ویں اجلاس کے لیے صدر کا انتخاب پہلے ہی ہو چکا ہے، رواں سال کے لیے منتخب ہونے والے صدر کا تعلق ترکی سے ہے۔ ترکی کے ڈپلومیٹ اور سیاست دان 69 سالہ وولکن بوزکیر نے 193 ارکان میں سے 178 ووٹ حاصل کیے تھے۔ ترکی نے پہلی بار اقوام متحدہ کی جنرل اسمبلی کی صدارت حاصل کی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔