ہالینڈ کی معروف کک باکسر روبی جیسیا دائرہ اسلام میں داخل

نیدر لینڈ: ’’دی ٹائیسن لیڈی‘‘ کے نام سے مشہور معروف کک باکسر روبی جیسیا میسو نے اسلام قبول کرلیا یہ خبر انہوں نے اپنے سوشل میڈیا اکاؤنٹ پر دی۔

کک باکسر روبی جیسیا کا تعلق ہالینڈ سے ہے۔ اسلام قبول کرنے سے قبل ان کا تعلق مسیحی مذہب سے تھا۔ تاہم انہوں نے چند برس قبل اسلام سے متعلق پڑھنا شروع کیا۔ اسلامی تعلیمات نے انہیں اس قدر متاثر کیا کہ انہوں نے باضابطہ طور پر دائرہ اسلام میں داخل ہونے کا فیصلہ کرلیا۔

یہ بھی پڑھیں:  کینیڈین سیاح روزی گیبریل مسلمان ہوگئیں

روبی جیسیا نے ہالینڈ کی مسجد میں گواہوں کے سامنے کلمہ شہادت ادا کیا اور متعلقہ دستاویزات پر دستخط کیے۔ انہوں نے دائرہ اسلام میں داخل ہونے کی خبر اپنے انسٹاگرام اکاؤنٹ پر دی بعد ازاں اس پوسٹ کو ہٹا دیا گیا۔

Netherlands former born again Christian Kick boxing tyson lady…ruby jesiah mesu yesterday Accept Islam at netherlands masjid Allah guide whom he will through islam pic.twitter.com/Jj5DPyTtvS

— The Touch Of Islam Around The (@touch_around) November 17, 2020

روبی جیسیا کے اسلام قبول کرنے کی خبر سوشل میڈیا پر پھیل گئی اور متعدد ٹوئٹر اکاؤنٹس نے اس خبر کو ری ٹوئٹ کیا۔ اور ان کے دائرہ اسلام میں داخل ہونے کی خوشخبری شیئر کرتے ہوئے ان کے حق میں دعا کی کہ خدا ان کی رہنمائی کرے۔

ہالینڈ کی کِک باکسر نے اسلام قبول کر لیا
ہالینڈ کی باکسر روبی جیسیا نے اسلام قبول کر لیا
انہوں نے ہالینڈ کی مسجد میں اسلام قبول کیا اور متعلقہ دستاویز پر دستخط کئے pic.twitter.com/OjHJq5coCL

— ترکی اردو (@TurkeyUrdu) November 18, 2020

کک باکسر روبی جیسیا اسلام قبول کرتے وقت باحجاب تھیں اور ان کی حجاب میں ملبوس تصاویر سوشل میڈیا پر وائرل ہوگئیں۔ انہیں دنیا بھر کے مسلمانوں کی جانب سے محبت اور تعریفوں سے نوازا جارہا ہے۔ روبی دنیا بھر میں ’’دی ٹائیسن لیڈی‘‘ کے نام سے بھی مشہور ہیں۔