پھوپھی نے کم سن بھتیجے کو اغوا کرکے قتل کردیا

پنجاب کے ضلع اوکاڑہ کے علاقے محمد نگر میں بے رحم پھوپھی نے اپنے کم سن بھتیجے کو اغوا کرکے قتل کردیا۔ ڈی پی او محمد نگر کے مطابق ملزمہ کو گرفتار کرلیا گیا ہے اور ابتدائی تفتیش میں اس نے اعتراف جرم بھی کرلیا ہے۔


ڈی پی او نے بتایا کہ ملزمہ نے گھریلو رنجش پر دو روز قبل اپنے بھائی شفیق کے دو سالہ بیٹے احمد رضا کو اغواء کیا، اور اغواء کے بعد بچے کو گلا گھونٹ کر مار دیا اور نعش گھر کے صحن میں دبا دی، ملزمہ کو شک کی بنیاد پر گرفتار کیا گیا تو اس نے ساری کہانی سنا دی۔ ملزمہ کی نشاندہی پر بچے کی لاش بھی برآمد کرلی گئی ہے۔ جب کہ ملزمہ کے خلاف مقدمہ درج کرکے اس کے خلاف کارروائی شروع کردی گئی ہے۔