طالبان نے وزارتِ خواتین کا دفتر بند اور لڑکیوں کے سیکنڈری اسکول آنے پر پابندی لگادی

کابل: افغانستان میں طالبان نے خواتین کے امور کی وزارت کے دفتر کو بند کردیا جب کہ اسکول میں ثانوی اور اعلیٰ ثانوی تعلیم کے لیے صرف لڑکوں کو اسکول آنے کی اجازت کا اعلان کیا گیا ہے۔ 

عالمی خبر رساں ادارے کے مطابق طالبان نے وزارت امور خواتین کے دفتر کو ختم کرکے عملے کو باہر نکال دیا جب کہ اب دفتر کو اخلاقی پولیس کے دفتر کے طور پر استعمال کیا جائے گا۔

سوشل میڈیا پر وائرل ہونے والی ویڈیوز اور تصاویر میں دیکھا جا سکتا ہے کہ وزارت خواتین امور کی خواتین ملازمین دفتر کے باہر کھڑی ہیں اور طالبان سے کام کی اجازت دینے کا مطالبہ کر رہی ہیں تاہم طالبان دفتر پر بنے محکمے کے Logo اور نام  کو مٹا دیتے ہیں۔

یہ خبر پڑھیں : جلال آباد ؛ طالبان کی گاڑی پر بم دھماکے میں 3 اہلکار جاں بحق، 20 زخمی 

Official communique from ministry of education. The Taliban:“Only boys from primary, secondary &high school can come to school”
This is on the contrary to what they said in the past &contradicts first verse that came to our prophet PBUH which was to READ both for girls and Boys pic.twitter.com/4jQ75eLpT9

— Fawzia Koofi (@FawziaKoofi77) September 17, 2021

وزارت امور خواتین کے دفتر کو اخلاقی پولیس کے دفتر میں تبدیل کردیا گیا ہے جہاں اسلامی قوانین اور خواتین پر عائدپابندیوں پر عمل درآمد کو یقینی بنانے والی پولیس کا عملہ اپنا کام کریں گے۔

یہ خبر بھی پڑھیں :  امریکا کا کابل ڈرون حملے میں عام شہریوں کی ہلاکت کا اعتراف 

اسی طرح گزشتہ روز بھی وزارت تعلیم کی جانب سے جاری اعلامیہ میں ثانوی اور ہائی سکول میں صرف لڑکوں کو اسکول آنے کی اجازت دی گئی ہے یعنی لڑکیاں صرف پرائمری اسکول میں آسکتی ہیں سیکنڈری اور ہائر سیکنڈری میں ان پر پابندی ہوگی۔