- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
آریان خان نشے کا باقاعدہ عادی ہے، این سی بی
ممبئی: نارکوٹکس کنٹرول بیورو نے کہا ہے کہ آریان خان نشے کا باقاعدہ عادی ہے۔
ممبئی کی سیشن کورٹ میں منشیات کیس میں گرفتار بالی ووڈ کنگ شاہ رخ خان کے بیٹے آریان خان کی ضمانت کی درخواست پر سماعت جاری ہے۔ جمعرات کو ہونے والی سماعت میں نارکوٹکس کنٹرول بیورو (این سی بی) کے وکیل انیل سنگھ نے عدالت میں کہا یہ حقیقت ہے کہ آریان خان کے پاس سے منشیات برآمد نہیں ہوئی لیکن اس کا یہ مطلب نہیں کہ انہیں ضمانت ملنی چاہئے۔
انیل سنگھ نے آریان خان کے کیس کا موازنہ اداکارہ ریحا چکربورتی کے بھائی شویک چکربورتی سے کرتے ہوئے کہا کہ اس کے پاس سے بھی منشیات برآمد نہیں ہوئی تھی لیکن اس وقت عدالت نے کہا تھا کہ معاملے کی تحقیقات جارہی ہیں۔
انیل سنگھ نے عدالت میں آریان کی ضمانت کی مخالفت کرتے ہوئے دلیل دیتےہوئے کہا عدالت میں پیش کیے جانے والے ریکارڈوشواہد سے پتہ چلتا ہے کہ آریان خان گزشتہ چند برسوں سے باقاعدہ منشیات کے عادی ہیں۔ آریان خان کے ساتھ گرفتار ہونے والے ارباز مرچنٹ کے پاس سے جو منشیات بر آمد ہوئی وہ ان دونوں کے استعمال کے لیے تھی۔
یہ بھی پڑھیں: شاہ رخ خان کے بیٹے آریان کو 20 سال تک کی سزا ہوسکتی ہے
بدھ کے روز نارکوٹک ڈرگز اینڈ سائیکو ٹروپک سبسٹنس (این ڈی پی ایس) کی خصوصی عدالت میں پیش ہونے والی آریان خان کی ضمانت کی درخواست کے جواب میں این سی بی نے آج دلائل دیتے ہوئے کہا یہ غیر اہم ہے کہ کتنی منشیات برآمد ہوئی کیونکہ ابتدائی تحقیقات میں یہ بات سامنے آئی ہے کہ آریان خان منشیات کا باقاعدہ عادی ہے اور ارباز مرچنٹ کے ذریعے منشیات خریدتا ہے۔
انیل سنگھ نے عدالت میں مزید کہا این ڈی پی ایس ایکٹ میں ایسی دفعات ہیں جن کا منشیات کی مقدار سے کوئی لینا دینا نہیں لہذا یہ کہنے کی کوئی دلیل نہیں بن سکتی کہ سزا صرف ایک سال کے لیے ہے۔ ایک بار جب منشیات فروشوں سے کنیکشن قائم ہوجائے تو مقدار اہم نہیں ہوتی۔ انیل سنگھ نے کہا میری عدالت سے گزارش ہے کہ یہ کیس ضمانت کا نہیں ہے۔
این سی بی کے وکیل نے مزید کہا ’’مجرم ثابت ہونے تک بے گناہ‘‘ نارکوٹک ڈرگز اینڈ سائیکو ٹروپک سبسٹنس (این ڈی پی ایس) کے جرائم کے مقدمات میں لاگو نہیں ہوتا۔
یہ بھی پڑھیں: این سی بی نے آریان خان کو ’’سپر ڈوپر اسٹار‘‘ بنادیا، رام گوپال ورما
یاد رہے اس سے قبل ممبئی کی سیشن کورٹ میں بدھ کے روز آریان خان کی درخواست ضمانت پر سماعت ہوئی تھی تاہم این سی بی کے وکیل کے دلائل مکمل نہ ہونے کی وجہ سے عدالت نے سماعت جمعرات (آج) تک کے لیے ملتوی کردی تھی۔
گزشتہ روز ہونے والی سماعت کے دوران آریان خان کے وکیل امیت دیسائی نے موقف اختیار کیا تھا کہ آریان کے پاس نقدی نہیں تھی اس لیے وہ منشیات خرید ہی نہیں سکتے تھے اور جب انہوں نے منشیات خریدی ہی نہیں تو انہوں نے لی بھی نہیں۔
امیت دیسائی نے ضمانت کی استدعا کرتے ہوئے کئی بار یہ بات دہرائی تھی کہ آریان خان کے پاس سے کوئی منشیات نہیں پائی گئیں اور صرف 6 گرام منشیات ارباز مارچنٹ کے پاس سے برآمد ہوئی۔ امیت دیسائی نے یہ بھی کہا تھا کہ آریان خان کروز پر بھی موجود نہیں تھے۔
یہ بھی پڑھیں: شاہ رخ خان کا بیٹا آریان خان منشیات کیس میں گرفتار
واضح رہے کہ بدھ کے روز ہونے والی سماعت میں انیل سنگھ نے عدالت میں دلیل دیتے ہوئے کہا تھا کہ آریان خان اور ارباز مرچنٹ دوست ہیں اور دونوں ایک دوسرے کو کافی سالوں سے جانتے ہیں۔ اگرچہ آریان خان کے پاس سے منشیات برآمد نہیں ہوئی لیکن وہ منشیات کے بارے میں جانتے تھے۔
دوران سماعت این سی بی کے وکیل نے عدالت میں آریان پر منشیات کی غیرقانونی اسمگلنگ کا الزام لگاتے ہوئے کہا تھا کہ آریان کی واٹس ایپ چیٹ میں زیادہ مقدار میں منشیات کا انکشاف ہوا تھا جو کہ صرف ایک شخص کے استعمال کے لیے نہیں ہوسکتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔