اداکار محب مرزا کے والد انتقال کرگئے

کراچی: معروف اداکار محبت مرزا کے والد محسن مرزا انتقال کرگئے۔

اداکارمحب مرزا نے یہ افسوسناک خبر سوشل میڈیا پر شیئر کرتے ہوئے بتایا کہ عموماً میں سوشل میڈیا پر اپنی نجی زندگی سے متعلق کچھ بھی شیئر نہیں کرتا لیکن میں چاہتا ہوں کہ دنیا میرے والد کے بارے میں جانے۔

محب مرزا نے بتایا کہ ان کے والد ایک رحم دل شخص تھے انہوں نے وکالت پڑھی تھی۔ اس کے علاوہ وہ ایک آرٹسٹ بھی تھے۔ انہوں نے اپنے والد کو ایک حقیقی سپراسٹار اور اپنا ہیرو قرار دیا۔

انہوں نے تمام لوگوں سے اپنے والد کی مغفرت کے لیے سورہ فاتحہ کا ورد کرنے کے لیے کہا۔ اور دعا کی کہ خدا ان کی روح کو جنت الفردوس میں اعلیٰ مقام دے آمین۔

محب مرزا نے اپنی کامیابیوں کا سہرا اپنے والد کے سر باندھتے ہوئے کہا کہ میری خوشیاں اور کامیابیاں سب آپ سے تھیں۔ اداکار محب مرزا کے والد کا انتقال 13 جنوری کو ہوا تھا۔