سری نگر میں بھارتی فورسز کی فائرنگ سے تین کشمیری نوجوان شہید

 سری نگر: بھارتی فوجیوں نے مقبوضہ جموں و کشمیر کے ضلع سری نگر میں تازہ کارروائی کے دوران تین کشمیری نواجونوں کو شہید کر دیا۔

کشمیر میڈیا سروس کے مطابق بھارتی فوجیوں نے نوجوانوں کو سری نگر کے علاقہ نوگام میں محاصرے اور تلاشی کی ایک کارروائی کے دوران شہید کیا۔

فوجیوں نے علاقے کے تمام داخلی اور خارجہ مقامات کی ناکہ بندی کر دی اور لوگوں کو گھروں سے باہر نکلنے کی اجازت نہیں دی۔ آخری اطلاعات ملنے تک علاقے میں فوجی کارروائی جاری تھی۔

ریلوے حکام نے بانہال سے بارہمولہ تک ریل سروس کو معطل کر دیا ہے۔