عمران نیازی خطرناک کھیل کھیل رہا ہے وزیراعظم
ارشد شریف کے المناک قتل کو معمولی سیاست کے لیے استعمال کیا جا رہا ہے
پاکستانیوں کی رہائی کے حکم پر سعودی ولی عہد کا شکرگزار ہوں، شہباز شریف (فوٹو فائل)
وزیراعظم شہباز شریف نے چیئرمین پی ٹی آئی پر تنقید کرتے ہوئے کہا ہے کہ عمران نیازی خطرناک کھیل کھیل رہا ہے۔
Imran Niazi is playing a dangerous game. He is using tragic killing of Arshad Sharif for petty politics & going to the extent of casting aspersions on state institutions. He should be patient & wait for findings of Judicial Commission instead of resorting to baseless allegations.
سماجی رابطے کی ویب سائٹ ٹوئٹر پر جاری بیان میں وزیراعظم کا کہنا تھا کہ عمران نیازی ارشد شریف کے المناک قتل کو معمولی سیاست کے لیے استعمال کررہا ہے۔ عمران نیازی خطرناک کھیل کھیل رہا ہے۔ ریاستی اداروں پر الزامات لگانے کی حد تک جا رہا ہے۔
یہ بھی پڑھیں: وزیراعظم اور محمد بن سلمان کا پاک سعودی تعلقات نئی بلندیوں تک لیجانے کا عزم
شہباز شریف نے کہا کہ وہ بے بنیاد الزامات کا سہارا لینے کے بجائے صبر سے کام لے اور جوڈیشل کمیشن کے نتائج کا انتظار کرے۔
ایک دوسرے ٹوئٹر بیان میں شہباز شریف نے کہا کہ میں سعودی ولی عہد محمد بن سلمان کا تہ دل سے شکر گزار ہوں جنہوں نے میری درخواست پر سعودی عرب میں اپریل 2022ء کے واقعے پر گرفتار پاکستانیوں کی رہائی کا حکم دیا۔
اسے بھی پڑھیں: مسجد نبویؐ ہنگامہ آرائی میں قید تمام پاکستانیوں کو رہا کردیا گیا
انہوں نے لکھا کہ اللہ تعالی سے دعا ہے کہ وہ ہمیں ایک دوسرے کی غلطیوں پر درگزر کرنے والا بہتر مسلمان بنائے۔