اداکارہ صبا فیصل کے لاتعلقی کے اعلان پر بیٹے اور بہو نے بھی خاموشی توڑ دی

  کراچی: صبا فیصل کی جانب سے بیٹے سلمان فیصل اور اس کی اہلیہ نیہا سلمان سے تعلق ختم کرنے کے اعلان کے بعد ان کے بیٹے اور بہو نے بھی خاموشی توڑ دی۔

نیہا سلمان نے اپنے انسٹاگرام پر پوسٹ شیئر کی جس میں انہوں نے اپنی ساس صبا فیصل اور نند سعدیہ فیصل کو بغیر نام لیے تنقید کا نشانہ بنایا۔

انہوں نے اپنے فالورز کو پیغام دیتے ہوئے پوسٹ میں لکھا کہ اپنی زندگی کا موازنہ ان کے ساتھ ہرگز نہ کریں جو حرام کے مزے لیتے ہیں۔

View this post on Instagram

A post shared by Galaxy Lollywood (@galaxylollywood)

نیہا نے لکھا ’ہوسکتا ہے کہ وہ آپ سے زیادہ کامیاب نظر آئیں یا آپ سے زیادہ مزے کر رہے ہوں گے لیکن اللہ کے سامنے وہ کچھ بھی نہیں ہیں اور اسی بات کی اہمیت ہے‘۔

انہوں نے پوسٹ کے کیپشن میں یہ بھی لکھا کہ ’ہمیشہ صحیح راستے پر چلیں، پھر چاہے کتنی ہی مشکلات کا سامنا کرنا پڑے یا پھر جب آپ خود کو غلط سمجھ رہے ہوں تب بھی مضبوط رہیں اور حرام کے خلاف اپنا مؤقف واضح رکھیں، یہ دنیا فانی ہے‘۔

یہ بھی پڑھیں: میرا بیٹے اور بہو سے اب کوئی تعلق نہیں، صبا فیصل کی ویڈیو وائرل

دوسری طرف صبا فیصل کے بیٹے سلمان نے بھی انسٹاگرام پر سخت ردعمل کا اظہار کیا ہے، انہوں نے صبا فیصل کی وڈیو کے بعد نیہا پر تنقید کرنے والے افراد کو آڑے ہاتھوں لیا ہے۔

View this post on Instagram

A post shared by Salman Faisal Official (@salmanfaisal666)

انہوں نے لکھا کہ بہت ہوگیا، لوگ اپنی بیہودہ سوچ اپنے پاس رکھیں، نیہا میری بیوی ہے اور میرے بچے کی ماں ہے،آپ سب کو اس کی عزت کرنی چاہئے۔

View this post on Instagram

A post shared by Salman Faisal Official (@salmanfaisal666)

ایک اور پوسٹ میں سلمان نے لکھا کہ ’امی بھی میری ہیں اور نیہا میری بیوی ہے، تھوڑا سوچ سمجھ کر بولیں، اس سے تکلیف ہوتی ہے‘۔