- اسرائیل کی غزہ میں پناہ گزین کیمپ پر بمباری؛ 20 افراد شہید
- ڈاکوؤں کی فائرنگ سے شہری جاں بحق، آج حج پر جانا تھا
- ٹی20 ورلڈکپ؛ ووین رچرڈز کو پاکستانی ٹیم کا مینٹور بنانے کی خبریں وائرل
- کرغز حکومت کی درخواست پر وزیر خارجہ سمیت پاکستانی وفد کا دورہ بشکیک منسوخ
- کراچی؛ رینجرز اور پولیس کی مشترکہ کارروائی، لیاری گینگ کا انتہائی مطلوب ملزم گرفتار
- مقبوضہ کشمیر میں بھارتی فوج کے میجر نے گولی مار کر خودکشی کرلی
- وزیراعظم کی کرغزستان سے زخمی طلباء کو فوری وطن واپس لانے کی ہدایت
- لاہور؛ سب انسپکٹر کا ٹریفک اسسٹنٹ پر بہیمانہ تشدد، ویڈیو وائرل
- ثقلین مشتاق نے آل ٹائم ون ڈے الیون کا انکشاف کردیا
- 565 میٹرک ٹن چینی، سگریٹ، کپڑا، ایرانی تیل برآمد کرلیا گیا
- ایف بی آر کے کارپوریٹ ٹیکس آفس اسلام آباد کیخلاف تحقیقات کا حکم
- پنجاب میں ہیٹ ویو کا الرٹ جاری، درجہ حرارت 45ڈگری جانے کا امکان
- غزہ میں جھڑپوں اور دھماکوں میں مزید 3 اسرائیلی فوجی ہلاک، 4 شدید زخمی
- حکومت نیٹ میٹرنگ ختم کرکے گراس میٹرنگ پالیسی لانے کوتیار
- پاکستان اور آئی ایم ایف کے درمیان پالیسی سطح کے مذاکرات کل شروع ہونگے
- این اے 148 ملتان میں ضمنی انتخاب کیلیے پولنگ جاری
- وزیراعظم کو آئی ایم ایف کا 18 ہزار ارب کا مجوزہ بجٹ پیش
- ٹی20 ورلڈکپ؛ ٹاپ 4 ٹیمیں کون سی ہوں گی؟ کیف نے پیشگوئی کردی
- ایک منٹ میں 110 پینسلیں توڑنے کا عالمی ریکارڈ
- سوشل میڈیا اور بچوں میں سیگریٹ نوشی کے درمیان تعلق کا انکشاف
جنگ بندی کی پیشکش کے باوجود اسرائیل کے رفح پر حملے؛ 12 فلسطینی شہید
غزہ: حماس کی جانب سے ثالث ممالک قطر اور مصر کی غزہ میں 7 ماہ کی جنگ بندی کی تجویز پر رضامندی کے اظہار کے باوجود جارحیت پسند اسرائیل نے ڈھٹائی کا مظاہرہ کرتے ہوئے رفح پر فضائی حملوں کا آغاز کردیا۔
عالمی خبر رساں ادارے کے مطابق اسرائیلی وزیراعظم نیتن یاہو کے دفتر سے جاری بیان میں کہا گیا ہے کہ حماس نے قطر اور مصر کے جنگ بندی کی جن تجاویز کو قبول کیا ہے وہ ہمارے مطالبات کے بالکل برعکس ہے اس لیے ثالثوں سے ملاقات کے لیے اپنا ایک وفد بھیجیں گے۔
بیان میں مزید کہا گیا ہے کہ ملکی جنگی کابینہ نے رفح پر فوجی آپریشن جاری رکھنے کی منظوری دی ہے۔ جس پر عمل درآمد کے لیے پناہ گزین فلسطینیوں کو فوری طور پر علاقہ خالی کرنے کو کہا گیا ہے۔
اسرائیلی فوج نے شب بھر رفح پر فضائی حملے جاری رکھے جس کے نتیجے میں اب تک 12 فلسطینی شہید اور درجنوں زخمی ہوچکے ہیں۔ شہید اور زخمی ہونے والوں میں خواتین اور بچے بھی شامل ہیں۔
یہ خبر پڑھیں : حماس نے قطر اور مصر کی جنگ بندی کی تجویز مان لی
رفح پر یہ حملے حماس کے سربراہ اسماعیل ہنیہ کے قطر کے وزیر اعظم شیخ محمد بن عبدالرحمان الثانی اور مصری انٹیلی جنس کے وزیر عباس کامل کے ساتھ ٹیلیفونک گفتگو میں جنگ بندی کی تجویز کو قبول کرنے کے اعلان کے بعد کیے گئے۔
امریکا نے بھی حماس کی جانب سے جنگ بندی کی تجویز پر رضامندی کے اظہار کا خیر مقدم کیا تھا اور اسرائیل سے مطالبہ کیا تھا کہ اب رفح پر حملے کی منصوبہ بندی کو روک دے۔
قطر، مصر اور دیگر ممالک نے بھی اسرائیل سے رفح پر حملے سے باز رہنے کا مطالبہ کیا تھا لیکن جارحیت پسند اسرائیل نے کسی کی نہ سنی اور اپنے جنگی عزائم کو عملی جامہ پہنایا۔
یاد رہے کہ 7 اکتوبر سے جاری غزہ پر اسرائیلی بمباری میں شہید ہونے والے فلسطینیوں کی تعداد 34 ہزار 700 سے تجاوز کرگئی جب کہ 78 ہزار سے زائد زخمی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔