سینیٹ کا اجلاس دو روز وقفے کے بعد آج شام 4 بجے ہوگا

دو روز کے وقفے کے بعد سینیٹ کا اجلاس آج شام 4 بجے ہوگا۔

سینیٹ اجلاس کے لیے 40 نکاتی ایجنڈا جاری کردیا گیا۔ سینیٹ میں آج نجی کارروائی کا دن ہوگا۔ اجلاس میں ارکان پارلیمنٹ کی تنخواہوں میں اضافہ کا بل پیش ہوگا۔  سینیٹر دینیش کمار قومی اسمبلی سے منظورکردہ بل پیش کریں گے۔ چار نئے نجی بلز ایوان میں پیش کیے جائیں گے۔ ان میں قومی اسمبلی سے منظور کردہ دو نجی بلز بھی شامل ہیں۔

سینیٹ میں 10 نجی بلز قائمہ کمیٹیوں کی رپورٹس کے بعد منظوری کےلئے پیش ہوں گے۔ سینیٹر سلیم مانڈوی والا صحافیوں اور میڈیا پروفیشنلز کےتحفظ کا بلمنطوری کےلئے پیش کریں گے جبکہ زیرحراست ملزمان کے حقوق سے متعلق بل سینیٹر فاروق ایچ نائیک پیش کریں گے۔

سی ایس ایس امتحانات میں ناکامی کی شرح بڑھنے پر بحث کی تحریک حکومتی سینیٹرز پیش کریں گے۔ سینیٹر محسن عزیز مہنگائی میں اضافے اور حکومتی دعوں پر بحث کی تحریک پیش کریں گے۔ پرنس کریم آغا خان کی وفات اور پاکستان کےلئے خدمات پر انہیں خراج عقیدت پیش کرنےکی قرارداد بھی ایوان میں پیش کی جائے گی۔

پارلیمنٹ کا مشترکہ اجلاس غیرمعینہ مدت کے لیے ملتوی

پارلیمنٹ کا مشترکہ اجلاس غیر معینہ مدت تک ملتوی کر دیا گیا۔پارلیمنٹ کے مشترکہ اجلاس کے غیر معینہ مدت تک ملتوی ہونے کا نوٹیفکیشن جاری کر دیا گیا۔  پارلیمنٹ کا مشترکہ اجلاس کل 18 فروری کو طلب کیا گیا تھا۔ قبل ازیں مشترکہ اجلاس کا شیڈول تبدیل کیا گیا تھا ۔