’بھارتی جارحیت ہندوتوا نظریے کی عکاسی اور عالمی قوانین کی خلاف ورزی ہے‘: ویڈیو دیکھیں

بھارت نے رات گئے بزدلانہ کارروائی کر کے نہ صرف ہندوتوا نطریے کی عکاسی کی بلکہ عالمی قوانین کی بھی دھجیاں اڑا دیں۔

ایکیسپریس نیوز کے مطابق سیکیورٹی ذرائع نے بتایا کہ بھارتی فوج نے معصوم شہریوں کے ساتھ مساجد کو بھی نشانہ بنایا اور چار مساجد پر میزائل داغے۔

مرید کے اور بہاولپور میں قائم مساجد اور دونوں مساجد میں موجود قرآن پاک سمیت دیگر مقدس کتابیں بھی شہید ہوگئیں۔ 

سیکیورٹی ذرائع کا کہنا ہے کہ مساجد اور مذہبی مقامات کو نشانہ بنانا بھارتی فوج کے ہندوتوا نظریے کی عکاسی کرتا ہے۔

دفاعی ذرائع کا کہنا ہے کہ بین الاقوامی قوانین کے مطابق مذہبی مقامات کو دوران جنگ ہدف نہیں بنایا جاسکتا۔

پاکستانی فورسز نے بھارتی دراندازی اور جارحیت کو بھرپور جواب دیتے ہوئے دشمن کے پانچ جنگی طیارے، ڈرون، ہیڈ کوارٹر اور متعدد چیک پوسٹوں کو تباہ کیا۔

پاک فوج کی بھرپور جوابی کارروائی پر بھارتی فوج نے لائن آف کنٹرول کے تین سیکٹرز پر شکست تسلیم کرتے ہوئے گھٹنے ٹیکے اور سفید پرچم لہرا دیا۔