نوجوان گلوکار پر پنجاب پولیس کے تشدد کی ویڈیووائرل، حکومت کا نوٹس
سوشل میڈیا پر پولیس اہلکاروں کی جانب سے نوجوان سنگر پر تشدد کی ویڈیو دیکھی ہے جو افسوسناک ہے، عظمیٰ بخاری
پنجاب کے ضلع میانوالی میں پولیس کی جانب سے نوجوان گلوکار رحمان علی پر تشدد کا واقعہ سامنے آنے کے بعد صوبائی حکومت نے نوٹس لے لیا۔
صوبائی وزیراطلاعات و ثقافت عظمی بخاری نے واقعے کا نوٹس لیتے ہوئے اسے افسوسناک قرار دیا۔
عظمی بخاری نے کہا کہ سوشل میڈیا پر پولیس اہلکاروں کی جانب سے نوجوان سنگر پر تشدد کی ویڈیو دیکھی ہے جو افسوسناک ہے،واقعے کی تحقیقات کرکے ذمے داران کے خلاف کارروائی کی جائے گی۔
ان کا کہنا تھا کہ فنکار برادری پر اس طرح کا تشدد کرنا ناقابل قبول ہے۔
داؤد خیل:ساؤنڈ ایکٹ کی خلاف ورزی
پولیس کا شادی فنکشن پہ چھاپہ سنگر رحمان علی گرفتار !
خلاف ورزی پر ایسی کاروائی ضرور ہوگی براہ کرم قانون کااحترام کریں اور بےعزتی سے بچیں۔ pic.twitter.com/DeAmiiBVyg
Load Next Story