عالمی بینک کے صدر اجے پال سنگھ بانگا کی چار روزہ دورے پر پاکستان آمد
صدر ورلڈ بینک اجے پال سنگھ بنگا کا گردوارہ سری پنجہ صاحب حسن ابدال کا دورہ وفاقی وزیر محمد ورنگزیب اور صوبائی وزیر برائے اقلیتی امور سردار رمیش سنگھ اروڑہ بھی انکے ہمراہ تھے۔
صدر ورلڈ بینک اجے پال سنگھ بنگا نے وفد کے ہمراہ گردوارہ سری پنجہ صاحب حسن ابدال میں خصوصی عبادت کی انہوں نے گردوارہ سری پنجہ صاحب حسن ابدال کے لنگر خانہ میں کھانا کھایا۔
صوبائی وزیر برائے اقلیتی امور رمیش سنگھ اروڑہ کا گفتگو میں کہناتھاکہ گردوارہ سری پنجہ صاحب حسن ابدال میں صدر ورلڈ بینک کی آمد سے مثبت پیغام جائے گا۔پاکستان میں تمام مذاہبِ کے پیروکاروں کو مکمل مذہبی آزادی حاصل ہے۔
صوبائی وزیر رمیش سنگھ اروڑہ کا مزید کہناتھا کہ وزیر اعلیٰ پنجاب مریم نواز شریف کے احکامات کی روشنی میں تاریخی مذہبی عبادت گاہوں میں تزین و آرائش کا کام جاری ہے۔
حکومت پنجاب کی جانب سے مذہبی سیاحت کے فروغ کے لیے عملی اقدامات کا سلسلہ بھی جاری ہے، یہاں ہر سال بیساکھی کے موقع پر ہزاروں ملکی و غیر ملکی سکھ زائرین مذہبی رسومات کے لیے آتے ہیں۔
دورے کے موقع پر ایڈیشنل سیکرٹری (مزارات) متروکہ وقف املاک بورڈ حکومت پاکستان ناصر مشتاق، ایڈیشنل سیکرٹری انسانی حقوق و اقلیتی امور ہنجاب حیدر عباس وٹو کمشنر راولپنڈی،سی پی اور راولپنڈی،ڈی سی اٹک سمیت دیگر افسران بھی موجود تھے۔