دیربالا میں اراضی تنازع پر فائرنگ، 2 جوان بھائی جاں بحق
فائرنگ کے بعد ملزمان موقع سے فرار ہو گئے، پولیس نے تفتیش شروع کردی
خیبرپختونخوا کے ضلع دیربالا کی تحصیل واڑی کے علاقے نصیر آباد میں اراضی کے تنازع پر چچا زاد بھائیوں کے درمیان فائرنگ کا واقعہ پیش آیا۔
ابتدائی اطلاعات کے مطابق پولیس نے بتایا کہ فائرنگ کے نتیجے میں 2 جوان بھائی جاں بحق ہو گئے۔
فائرنگ کی اطلاع ملتے ہی پولیس جائے وقوع پر پہنچی، تاہم واقعے کے بعد ملزمان موقع سے فرار ہونے میں کامیاب ہو گئے۔ پولیس نے واقعے سے متعلق مزید تفتیش شروع کردی ہے۔