وزیراعظم کا لبنانی ہم منصب کو فون، اسرائیلی جارحیت کے خلاف اظہار یکجہتی
فوٹو: فائل
وزیراعظم شہباز شریف نے لبنانی ہم منصب نواف اسلام کو فون کرکے اسرائیلی جارحیت کے خلاف اظہار یک جہتی کیا۔
وزیراعظم شہباز شریف نے بیان میں کہا کہ لبنان کے وزیراعظم نواف سلام سےٹیلیفونک رابطہ ہوا اور گفتگو کے دوران لبنان کے خلاف اسرائیل کی جارحیت کی سخت ترین الفاظ میں مذمت کی۔
انہوں نے اسرائیلی حملوں سے قیمتی جانوں کے ضیاع پر گہرے دکھ کا اظہار کیا اور لبنانی عوام کے ساتھ پاکستان کی یک جہتی کا اعادہ کیا۔
پاکستان اور لبنان کے درمیان دیرینہ برادرانہ تعلقات کا حوالہ دیتے ہوئے انہوں نے لبنانی قیادت کو لبنان کی خودمختاری اور علاقائی سالمیت کے لیے پاکستان کی مکمل حمایت کا یقین دلایا اور امن کی کوششوں میں تعمیری کردار ادا کرنے کی پیش کش کی۔
I spoke with Prime Minister Nawaf Salam today to convey Pakistan’s unwavering solidarity with the people of Lebanon in the wake of Israeli attacks that have caused tragic loss of life.
Pakistan firmly supports Lebanon’s sovereignty and territorial integrity. We also discussed…— Shehbaz Sharif (@CMShehbaz) March 4, 2026
بیان میں کہا گیا کہ دونوں رہنماؤں نے ایران پر اسرائیل کے حملوں اور برادر خلیجی ممالک پر جوابی حملوں کے بعد خطے میں حالیہ کشیدگی پر بھی تبادلہ خیال کیا اور انہوں نے جلد از جلد خطے میں کشیدگی کم کرنے اور امن کی بحالی کی ضرورت پر اتفاق کیا۔
وزیراعظم نواف سلام نے اس مشکل وقت میں لبنان کے ساتھ اظہار یک جہتی پر وزیراعظم اور پاکستانی عوام کا شکریہ ادا کیا۔