ہیری پوٹر سیریز کا ٹریلر جاری، کب ریلیز ہوگی؟
مشہور زمانہ ہیری پوٹر فلم کی ٹی وی سیریز کی نئی کاسٹ کے ساتھ ٹریلر جاری کردیا گیا جب کہ فلم کی ریلیز سے متعلق بھی اعلان کردیا گیا ہے۔
وارنر برادرز ڈسکوری نے مشہور کتابی سیریز ’جے کے رولنگ‘ کی تخلیق پر مبنی نئی ہیری پوٹر سیریز کا پہلا آفیشل ٹیزر جاری کر دیا ہے۔
اس سیریز کا عنوان ’ہیری پوٹر اینڈ دی فلوسفر اسٹون‘ رکھا گیا ہے، جو امریکا سے باہر پہلی فلم کے نام سے مطابقت رکھتا ہے۔ یہ اعلان ’ایچ بی او میکس یوکے‘ لانچ ایونٹ کے دوران کیا گیا۔
The actors from the Harry Potter films are passing the baton to the new actors of the HBO series 🎭 pic.twitter.com/iYNLFu3RS1
ٹریلر میں جادوئی دنیا کے اہم کرداروں کی جھلک دکھائی گئی، جن میں ہیری پوٹر کے ساتھ آنٹی پیٹونیا، رون ویزلی، ڈریکو مالفوئے، سیورس اسنیپ، اولیوانڈر، پروفیسر میکگونگل اور روبیئس ہیگرڈ شامل ہیں۔
ٹریلر کا آغاز ہیری کی مشکل زندگی سے ہوتا ہے، جہاں اسے اسکول میں تنگ کیا جاتا ہے، اور پھر اس موڑ پر آتا ہے جب اسے ہوگ وارٹس اسکول آف وچ کرافٹ اینڈ وزرڈری میں داخلے کا خط ملتا ہے، جو اس کی زندگی بدل دیتا ہے۔
کہانی کے مطابق ’ہیری پوٹر بظاہر کوئی خاص بچہ نہیں لیکن اپنی 11ویں سالگرہ پر اسے ایک خط ملتا ہے جو اسے ایک نئی دنیا میں لے جاتا ہے، دوستی، جادو اور مہمات کی دنیا۔ مگر اس نئی زندگی کے ساتھ ایک خطرناک دشمن کا سامنا بھی کرنا پڑتا ہے۔
First trailer for the ‘HARRY POTTER’ series.
Releasing this Christmas on HBO. pic.twitter.com/X5PPZ3ME46اس سیریز میں ہیری پوٹر کا کردار اسکاٹش اداکار ڈومینک میک لاؤگلن ادا کریں گے، جنہوں نے ہیری کی مخصوص یونیفارم اور گردن پر نشان کے ساتھ پہلی نظر میں ہی شائقین کو اپنی طرف متوجہ کرلیا ہے۔
دیگر کاسٹ میں الیسٹیر اسٹاؤٹ (رون)، اریبیلا اسٹینٹن (ہرماینی)، جان لتھگو (ڈمبلڈور)، جینیٹ میک ٹیئر (میکگونگل)، پاپا ایسییدو (اسنیپ) اور نک فراسٹ (ہیگرڈ) شامل ہیں۔
یہ نئی سیریز ہیری پوٹر کی کہانی کو ایک بار پھر پیش کرے گی، تاہم ابتدائی ردعمل میں کچھ ناقدین نے اسے فلمی سیریز کے مقابلے میں کم متاثر کن قرار دیا ہے۔