کورنگی: سلنڈر کی دکان میں گیس لیکیج کے باعث دھماکا، 2 افراد جھلس کر زخمی
زخمیوں میں 42 سالہ اسلم اور 12 سالہ فدا شامل ہیں، حکام
دھماکے سے پٹرول پمپ پر کھڑی گاڑیوں کو بھی نقصان پہنچا۔ ۔ فوٹو : فائل
کراچی کے علاقے کورنگی بلال چورنگی کے قریب سلینڈر کی دکان میں گیس لیکیج کے باعث دھماکے کے نتیجے میں ایک بچے سمیت 2 افراد جھلس کر زخمی ہوگئے۔
ریسکیو حکام کے مطابق زخمیوں میں 42 سالہ اسلم اور 12 سالہ فدا شامل ہیں۔
دونوں کو فوری طور پر قریبی اسپتال منتقل کردیا گیا ہے جہاں انہیں طبی امداد فراہم کی جا رہی ہے۔
حکام کا کہنا ہے کہ دھماکہ گیس لیکج کے باعث پیش آیا، جبکہ واقعے کی مزید تحقیقات جاری ہیں۔