لاہور؛ بین الاضلاعی مویشی چور گینگ کے 3 کارندے گرفتار، فوٹیج بھی سامنے آگئی
ملزمان کے قبضے سے چوری شدہ بھینس، کٹی اور واردات میں استعمال ہونے والی پک اَپ برآمد کر لی
لاہور:
چوہنگ پولیس نے بڑی کارروائی کرتے ہوئے بین الاضلاعی مویشی چور گینگ کے 3 کارندے گرفتار کر لیے۔
پولیس نے شاہ پور مویشی منڈی کے قریب چھاپہ مار کر مسلح ملزمان کو گرفتار کیا۔ گرفتار ملزمان میں غلام مصطفیٰ، محمد عثمان اور محمد حسین شامل ہیں۔
ملزمان کے قبضے سے چوری شدہ بھینس، کٹی اور واردات میں استعمال ہونے والی پک اَپ برآمد کر لی۔
چوہنگ پولیس نے ملزمان کے خلاف مقدمہ درج کر کے انویسٹی گیشن ونگ کے حوالے کر دیا۔
ایس پی صدر عبداللہ عمران چیمہ کا کہنا تھا کہ جرائم پیشہ عناصر کے خلاف زیرو ٹالرنس پالیسی جاری رہے گی۔