ایم کیو ایم پاکستان کے عارضی مرکز پر 2گروپوں میں جھگڑا اور فائرنگ، تاحال مقدمہ درج نہیں کیا جا سکا

بہادر آباد میں ایم کیو ایم پاکستان کے عارضی مرکز پر دو گروپوں میں جھگڑے کے دوران ہوائی فائرنگ کے واقعے کا مقدمہ تاحال درج نہیں کیا جا سکا۔

پولیس کے مطابق مقدمے کے اندراج کے لیے ایم کیو ایم پاکستان کے کسی دھڑے کی جانب سے کوئی رابطہ نہیں کیا گیا، تاہم پولیس سے رابطہ کرنے پر فوری واقعے کا مقدمہ درج کر لیا جائے گا۔

پولیس حکام کے مطابق اگر ایم کیو ایم پاکستان کے کسی دھڑے نے رابطہ نہیں کیا تو اعلیٰ افسران سے مشاورت کے بعد مقدمہ کے اندراج سے متعلق فیصلہ کیا جائے گا۔

فائرنگ کے نتیجے میں ایک شخص بھی ہاتھ پر گولی لگنے سے زخمی ہوا تھا جبکہ فائرنگ کے باعث بہادر آباد میں مارکیٹیں اور دکانیں بند ہوگئی تھیں۔