- علی امین گنڈاپور نے لوڈشیڈنگ میں کمی کیلیے وفاق کو ڈیڈ لائن دے دی
- کراچی میں درجہ حرارت 39.9 ڈگری، دادو میں 48.5 ڈگری ریکارڈ
- پاکستان سینٹرل ایشین والی بال لیگ کے فائنل میں پہنچ گیا
- مسلح افراد نے پولیس وین پر حملہ کرکے ساتھی کو رہا کروالیا؛ 2 افسران ہلاک
- پاک فوج کے شہید میجر بابر نیازی میانوالی میں سپرد خاک
- اسرائیل کا لبنان میں کار پر ڈرون حملہ؛ حزب اللہ کے کمانڈرز شہید
- حکومت مستعفی ہو، فوج انتخابات سے دور رہے، مولانا فضل الرحمان
- اسرائیل رفح میں فوجی آپریشن فوری طور پر ختم کرے؛ یورپی یونین کا مطالبہ
- ملک میں کسانوں کیلئے بڑی خبر، یوریا کی قیمتوں میں کمی کا امکان
- پہلے پی آئی اے کی نجکاری ہوگی، ٹی وی پر براہ راست دکھائیں گے، وفاقی وزیرسرمایہ کاری
- الجزائر؛ 26 سال سے لاپتا شخص قریبی گلی سے مل گیا
- مسلم لیگ (ن) کی ایک اور سیٹ کم ہوگئی، رانا ارشد کی جیت کا نوٹیفکیشن کالعدم
- اسلام آباد ہائیکورٹ کا لاپتہ شاعراحمد فرہاد کو کل تک ہر صورت بازیاب کرانے کا حکم
- ڈالر کے انٹربینک ریٹ میں اضافہ، اوپن مارکیٹ میں روپیہ تگڑا
- اسٹریٹجک مذاکرات؛ چین کی پاکستان کو خود مختاری اور مسئلہ کشمیر پر حمایت کی یقین دہانی
- بانی پی ٹی آئی اور دوسری طرف سے ٹکراؤ ہوتا دیکھ رہا ہوں، منظوروسان
- لاہور: بیوٹی پارلر میں خواتین کی نیم برہنہ تصاویر بنانے پر مقدمہ درج
- سندھ میں رواں برس 5 ماہ میں بچوں سمیت 150 شہری اغوا
- جاپان میں چلتی ٹرین کے اندر سانپ نکل آیا
- آپریشن سے پیدا ہونے والے بچوں میں خسرہ کیخلاف قوتِ مدافعت کم ہوتی ہے
طب کا نوبل انعام جاپان، چین اور آئرلینڈ کے سائنسدانوں کے نام
اسٹاک ہوم: انسانیت کی خدمت میں پیش پیش اور بیماریوں کے علاج میں گراں قدر خدمات انجام دینے پر چین، جاپان ار آئرلینڈ کے سائنس دانوں میں طفیلی جراثیم پر تحقیق کے اعتراف پر انہیں مشترکہ طور پر طب کے نوبل انعام سے نوازدیا گیا۔
اسٹاک ہوم میں ہونے والی ججز کمیٹی کے اجلاس میں ملیریا، ریور بلائنڈ ( آنکھوں کی بینائی متاثر کرنے والا کیٹرا) اور دیگر طفیلی جراثیم والی بیماریوں کے خلاف جدید تحقیق اوران کا موثرعلاج دریافت کرنے پرادویات کے نوبل انعام کا فیصلہ کیا گیا۔ ججز نے آئرلینڈ سے تعلق رکھنے والے سائنس دان ولیم کیمبل، جاپان کے ساٹوشی اومورا اور چین کی خاتون سائنسدان تو یویو کو اس انعام کا حقدار ٹھہرایا۔
فیصلے کے مطابق کیمل اور اومورا کو افریقہ اور ایشیا میں لاکھوں لوگوں کو متاثر کرنے والی پیراسیٹک بیماریوں کے خلاف موثر علاج کرنے والی ادویات ایورمیکٹن اور لیمپ فیٹک فیلاریسز کی تیاری پرانعام کا مستحق قراردیا گیا جب کہ چینی سائنسدان کو ملیریا کے خلاف مزاحمت پیدا کرنے والی دوائی آرٹی میزینن کی تیاری پرنوبل انعام سے نوازا گیا۔ ملیریا کا علاج کرنے والی ادویات غیرموثرہوتی جا رہی تھیں اور بیماریاں پھیل رہی تھی جس پر پروفیسر یویو تو نے اس مرض سے نمٹنے کے لیے روایتی چینی طب میں استعمال ہونے والی ایک بوٹی سے دوا بنائی جو بےحد موثر ثابت ہوئی۔ آج یہ دوا دوسری ادویات کے ساتھ ملا کر دنیا بھر میں استعمال ہوتی ہے اور اس سے صرف افریقہ میں ہر سال ایک لاکھ افراد کی زندگیاں بچائی جاتی ہیں۔
نوبل انعام کے فیصلے کا اعلان کرتے ہوئے کمیٹی کا کہنا تھا کہ ان سائنس دانوں کی تیارکردہ ادویات مہلک بیماریوں کے خلاف انسانیت کی بھر پور مدد کررہی ہیں اور ان کی وجہ سے ہر سال لاکھوں افراد جان لیوا بیماریوں سے چھٹکارا پا رہے ہیں۔
واضح رہے کہ ریور بلائنڈ آنکھوں اور جلد کی ایسی بیماری ہے جس کا اگر فوری علاج نہ کیا جائے تو یہ مریض کی بینائی چھین سکتی ہے جب کہ یہ بیماری 90 فیصد افریقہ کے رہنے والے باشندوں کو متاثرکرتی ہے، مچھروں کے باعث پھیلنے والی بیماری ملیریا کے ہاتھوں ہرسال ساڑھے 4 لاکھ افراد موت کے منہ میں چلے جاتے ہیں جب کہ مزید لاکھوں افراد کو اس بیماری سے خطرہ لاحق ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔