- لاہور: ٹکسالی گیٹ کے علاقے میں موٹرسائیکل سوار کی فائرنگ سے پولیس اہلکار شہید
- رواں مالی سال کے 9 ماہ میں مالیاتی خسارہ 4337 ارب سے تجاوز کرگیا
- ترکیے کا عالمی عدالت میں اسرائیل کے خلاف نسل کشی کیس میں فریق بننے کا اعلان
- سعودی عرب کے مختلف علاقوں میں موسلادھار بارش، اسکول بند
- قومی اسمبلی میں آزاد اراکین کی سنی اتحاد کونسل میں شمولیت تسلیم، فہرست جاری
- کلرکہار؛ موٹروے پولیس اور خواتین کے درمیان تلخ کلامی کی ویڈیو وائرل
- اپیکس کمیٹی سندھ کا ہنگامی اجلاس طلب
- کراچی میں پارہ 39.4 ڈگری تک پہنچ گیا، کل 40 ڈگری تجاوز کرنے کا امکان
- پنجاب میں مزید 31 اعلیٰ افسران کے تقرر و تبادلوں کے احکامات
- متحدہ اور پی پی میں ڈیڈ لاک ختم، ملکر قوم کی خدمت کرنے پر اتفاق
- علی ظفر سینیٹ میں پی ٹی آئی کے پارلیمانی لیڈر نامزد
- چیمپئنز ٹرافی: بھارت کے میچز ایک ہی شہر میں کرانے کی تجویز
- اسرائیلی مصنوعات کا بائیکاٹ؛ ملائیشیا میں فاسٹ فوڈ برانڈ کے ریسٹورینٹس بند ہوگئے
- حکومت اسٹیل مل بحال نہیں کرسکتی تو سندھ حکومت کے حوالے کردے، بلاول
- صدر مملکت کا کراچی اور کچے میں ڈاکوؤں کے خلاف سخت کارروائی کا حکم
- پالتو بلی کی ایک چھوٹی سی غلطی نے گھر کو آگ لگادی
- 200 سے زائد پُرانی کتب پر زہریلی دھاتوں کے نقوش دریافت
- وٹامن ڈی اور قوتِ مدافعت کے درمیان ممکنہ تعلق کا انکشاف
- ہم نے قائداعظم کا اسرائیل مخالف نظریہ سمجھا ہی نہیں، مولانا فضل الرحمان
- کے ٹو ایئرویز کو کارگو لائسنس جاری
آسٹریلوی کپتان اسٹیون اسمتھ اور بھارتی اسپنرایشون 2015 کے بہترین کھلاڑی قرار
دبئی: انٹرنیشنل کرکٹ کونسل ( آئی سی سی ) نے کھلاڑیوں کی نئی ٹیسٹ رینکنگ جاری کردی جس کے مطابق آسٹریلوی ٹیم کے کپتان اسٹیون اسمتھ اور بھارتی اسپن بولر روی چندرن ایشون 2015 کے کامیاب ترین کھلاڑی قرار پائے ہیں۔
ڈربن اور میلبرن ٹیسٹ کے اختتام پر آئی سی سی کی جاری کردہ نئی ٹیسٹ رینکنگ کے مطابق آسٹریلوی کپتان اسٹیون اسمتھ بہترین بلے بازوں کی فہرست میں پہلے نمبر پر ہیں جب کہ اپنی بہترین کارکردگی کی بدولت وہ سال 2015 کے کامیاب ترین بلے باز بھی ہیں۔ اسٹیون اسمتھ ہی گزشتہ ہفتے جاری ہونے والی رینکنگ میں سال کے بہترین کھلاڑی کے علاوہ سرگارفیلڈ سوبرٹرافی بھی اپنے نام کی تھی۔ بہترین بلے بازوں کی فہرست میں نیوزی لینڈ کے کین ولیمسن دوسرے، جوئے روٹ تیسرے، اے بی ڈیولیئرز چوتھے،ڈیوڈ وانر پانچویں، یونس خان چھٹے، انجیلو میتھیوز ساتویں، ہاشم آملہ آٹھویں، قومی ٹیم کے کپتان مصباح الحق نویں اور السٹرکک دسویں نمبر پر ہیں۔
آئی سی سی ٹاپ 10 بولرز کی فہرست میں بھارتی اسپنر روی چندرن ایشون ایک درجہ ترقی پاکر پہلے نمبر پر آگئے جب کہ انہیں کارکردگی میں تسلسل کے باعث 2015 کا بہترین بولر بھی قرار دیا گیا ہے۔ ٹاپ 10 بولروں کی فہرست میں ڈیل اسٹٰین دوسرے اور اسٹارٹ براڈ تیسرے نمبر پر ہیں۔ ڈوپ ٹیسٹ مثبت آنے پر آئی سی سی کی جانب سے معطلی کا سامنا کرنے والے پاکستانی لیگ اسپنر یاسرشاہ ایک درجہ تنزلی کے بعد چوتھے نمبر پر ہیں۔
بہترین آل راؤنڈر کی فہرست میں کسی پاکستانی آل راؤنڈر نے جگہ نہ بنائی جب کہ بھارتی آل راؤنڈر روی چندرن ایشون پہلے، شکیب الحسن دوسرے، اسٹارٹ براڈ تیسرے ، وین فلینڈر چوتھے اور روندرا جدیجا پانچویں نمبر پر ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔