- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
شادی کی تیاری کیسے کریں؟
لڑکا ہو یا لڑکی شادی ہر کسی کی زندگی کا سب سے اہم دن ہوتا ہے۔ یہ وہ دن ہے جسے ہر انسان اپنی پوری زندگی میں ضرور یاد رکھتا ہے۔ یہی وجہ ہے ہر کوئی اپنی شادی سے قبل کئی چیزوں کا انتظام کرنا شروع کردیتا ہے کیوں کہ ہر شخص کی خواہش ہوتی ہے اس کی شادی بہترین انداز میں ہو۔
دیکھا گیا ہے کہ پھر بھی شادی سے قبل کئی بار دلہنیں کچھ ایسے ضروری کام کرنا بھول جاتی ہیں جو انہیں عین بیاہ کے دن یاد آتے ہیں۔اس وقت پچھتاوے کے سوا کچھ ہاتھ میں نہیں رہتا۔ ایسی ہی کئی ضروری باتیں بیان کی جا رہی ہیں جن کا خیال آپ کو اپنی شادی سے قبل رکھنا چاہیے :
دھوپ میں زیادہ نہ گھومیں
اس بات کا خیال دلہا اور دلہن دونوں کو ہی رکھنا چاہیے کہ وہ اپنی شادی سے قبل دھوپ میں زیادہ نہ گھومیں۔ رنگ جیسا بھی ہو لیکن دھوپ سے خراب ہوئی جلد یقیناً آپ کی شادی کے روز آپ کا میک اپ اور انداز ،دونوںخراب کردے گی۔
بیوٹی پارلر کا انتخاب
شادی سے قبل اپنے میک اپ کے لیے اچھے بیوٹی پارلر کا جلد انتخاب کرلیں۔ اس کے علاوہ کوشش کریں کہ آپ جہاں تیار ہونے جارہی ہیں، اس پارلر اور اس کے میک اپ کے بارے میں آپ کو اچھی طرح معلوم ہو کہ وہ معیاری کام کرتے ہیں۔ کئی پارلرز شادی کے روز چہرے پر بے انتہا میک اپ تھوپ دیتے ہیں جس سے آپ کسی کیک سے کم نہیں نظر آتیں۔ اس لیے کوشش کریں کہ شادی کے روز بھی کم سے کم میک اپ کروائیں جس سے آپ کی اصل خوبصورتی ظاہر ہو سکے۔
جوتے میں چلنے کی مشق
پاکستان میں ہونے والی شادیوں میں زیادہ تر دلہنیں اپنے ملبوسات کے ساتھ اونچی ہیلز کا انتخاب کرتی ہیں۔ تاہم شادی کے روز اپنے بھاری جوڑے کے ساتھ عام طور پہ وہ انہیں پہن کر چل نہیں پاتیں۔
ویسے بھی کئی لڑکیوں کو اونچی ہیلز میں چلنا کافی دشوار لگتا ہے۔ اس لیے انہیں چاہیے کہ وہ شادی سے قبل اونچی ہیلز میں چلنے کی مشق کرلیں تاکہ وہ اپنی شادی کے روز مطمئن نظر آئیں۔ اس طرح بھاری لباس میں ہیلز پہن کر چلتے ہوئے گرنے کا خطرہ بھی کم ہو جاتا ہے۔
نیند پوری کریں
نیند ہر انسان کے لیے بے حد ضروری ہے ۔ اگر آپ اپنی شادی کے روز ترو تازہ نظر آنا چاہتے ہیں تو اپنی نیند کو ضرور پورا کریں۔ نیند پوری کرنے کا ایک اور فائدہ یہ ہے کہ آنکھوں کے نیچے حلقے جنم نہیں لیتے۔
اچھے پوز
تصویر بنواتے وقت عموماً ہمیں یہ خیال بھی نہیں آتا کہ ہم کیسے لگ رہے ہوں گے۔ اسی لیے کئی سال بعد ان تصاویر کو دیکھ کر بہت برا لگتا ہے جس کی وجہ یہ ہے کہ ہم غلط انداز میں تصویر بنواتے ہیں۔لہذا کوشش کریں کہ اپنی شادی سے قبل تصاویر کے لیے ڈھنگ کے پوز بنانا سیکھ لیں جس سے آپ کم از کم کارٹون نہ لگییں۔ اس طرح بعد ازاں جب بھی آپ ان تصاویر کو دیکھیں گی، آپ کو اپنی شادی کے بہترین لمحات یاد آجائیں گے۔
متوازن غذا کھائیں
شادی کے دنوں میں اپنی صحت کا خیال رکھنا بے حد ضروری ہے۔ کوشش کریں کہ اپنی شادی سے قبل متوازن غذا کا استعمال شروع کردیں جس سے آپ اپنے بیاہ کے دن فٹ رہیں اور موٹاپے سے بچ سکیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔