- نیا قرض پروگرام، آئی ایم ایف مشن رواں ماہ پاکستان آئے گا
- پی ایس ایل کو مزید مسابقتی بنایا جائے گا
- تعریف کرنے پر حارث کوہلی کے شکرگزار، عامر سے سیکھنے کے منتظر
- موٹروے ایم نائن کے قریب ٹرالر اور وین میں تصادم، 3 مسافر جاں بحق
- دوستی نہیں ٹیم کا سوچیں
- ملک کو سنگین چیلنجز درپیش...انا پرستی چھوڑ کر مل بیٹھنا ہوگا!
- اسرائیل میں حکومت نے قطری نیوز چینل الجزیرہ کی نشریات بند کردی
- ایس ای سی پی نے پی آئی اے کارپوریشن لمیٹڈ کی تنظیم نو کی منظوری دے دی
- مسلم لیگ(ن)، پی پی پی کے درمیان پاور شیئرنگ، بلاول کی بطور وزیرخارجہ واپسی کا امکان
- تربیتی ورکشاپ کا انعقاد، 'تحقیقاتی، ڈیٹا پر مبنی صحافت ماحولیاتی رپورٹنگ کے لئے ناگزیر ہے'
- پی ٹی آئی نے 9 مئی کو احتجاج کا پلان ترتیب دے دیا
- گندم اسکینڈل؛ تحقیقاتی کمیٹی آج رپورٹ پیش کرے گی
- اے آئی ٹیکنالوجی نایاب عوارض کی قبل از وقت تشخیص کرسکتی ہے، تحقیق
- لِنکڈ اِن نے صارفین کے لیے گیمز متعارف کرا دیے
- خاتون کو 54 سال سے گمشدہ اپنی منگنی کی انگوٹھی واپس مل گئی
- پاکستانی ویمن کرکٹ ٹیم دورے پر برطانیہ پہنچ گئی
- اسلام آباد پر حملے کی دھمکی دینے والے کا حشر 9 مئی والوں جیسا ہوگا، شرجیل میمن
- کراچی؛ 50 لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
- نائلہ کیانی کا مختصر مدت میں11بلند ترین چوٹیاں سر کرنے کا ریکارڈ
- 14 سالہ بہن نے موبائل پر لڑکوں کیساتھ دوستی سے منع کرنے پر بھائی کو قتل کردیا
اقوام متحدہ کا پاکستانی کارٹون انتہا پسندی کیخلاف استعمال کرنے کا فیصلہ
نیویارک: اقوام متحدہ نے پاکستانی کارٹون سیریز برقع اوینجر کو بچوں کو انتہا پسندی سے بچانے کے لیے استعمال کرنے کا فیصلہ کیا ہے۔
اقوام متحدہ کی وومن ایشیا پیسیفیک سربراہ میوا کاٹو نے کہا کہ بچپن ہی سے بچوں کو انتہا پسندی سے بچانے کے لیے کارٹونز کو استعمال کیا جاسکتا ہے، ہم انتہا پسندی سے بچانے کے لیے قانون استعمال کرتے ہیں لیکن اس کام کا آغاز تو بچپن میں ہی شروع ہوجانا چاہیے جس کے لیے ٹی وی اور انٹرٹینمنٹ کو استعمال کرنا چاہیے۔
اقوام متحدہ نے اس کارٹون کی مقبولیت سے فائدہ اٹھاتے ہوئے اسے انتہا پسندی سے جنگ اور خواتین کے کردار کی اہمیت پر زور دینے کے لیے استعمال کرنے کا فیصلہ کیا ہے۔ معروف پاکستانی گلوکار ہارون برقع ایونجر کے تخلیق کار ہیں جنہوں نے بتایا کہ برقع اوینجر کا خیال مجھے اس وقت آیا جب میں نے لڑکیوں کے اسکولوں کو تباہ کرنے کی خبریں پڑھیں۔ ہارون رواں ہفتے بنکاک میں اقوام متحدہ کی خواتین کانفرنس سے خطاب کریں گے۔ اقوام متحدہ اور ہارون باہم شراکت داری سمیت مختلف امکانات پر غور کررہے ہیں جن میں برقع اوینجر کو سفیر بنانے کا آپشن بھی شامل ہے۔ ہارون نے بتایا کہ وہ برقع اوینجر پر فلم بنائیں گے تاکہ بڑے پیمانے پر اور زیادہ سے زیادہ لوگوں تک پیغام پہنچایا جاسکے۔
برقع اوینجر پاکستانی کارٹون سیریز ہے جو پاکستان کے علاوہ دنیا کے متعدد ممالک میں دکھائی جارہی ہے اور متعدد ملکی و بین الاقوامی ایوارڈز بھی حاصل کرچکی ہے۔ کارٹون کی ہیرو اور مرکزی کردار ایک لڑکی ہے جس کا نام جیا ہے جو مشن پر نکلتے وقت برقع پہنتی ہے اور ان عناصر سے لڑتی ہے جو لڑکیوں کو اسکول جانے سے روکتے ہیں۔
برقع ایونجر سیریز کا آغاز پہلے پاکستان میں ہوا جس کے بعد اسے افغانستان، بھارت اور پھر انڈونیشیا میں بھی متعارف کرایا گیا، جب کہ اسے اردو، تامل، ہندی، پشتو اور انڈونیشیائی زبانوں میں دکھایا جارہا ہے۔ اس کارٹون کو اب ملائیشیا، سری لنکا، برونائی، سنگاپور اور بنگلہ دیش میں بھی شروع کرنے کا فیصلہ کیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔