ناک کے بال بڑے کرنے کا فیشن پروان چڑھنے لگا

بات ٹیکنالوجی کی ہو یا فیشن کی یا پھر کسی اور شعبے کی، ہر لمحہ بدلتی ہوئی اس دنیا میں آئے دن نت نئی چیزیں دیکھنے کو ملتی ہیں۔

بعض اوقات ایسی چیزیں بھی نظر کے سامنے آ جاتی ہیں جنہیں دیکھ کر یہ فیصلہ کرنا مشکل ہو جاتا ہے کہ اسے جدت کا نام دیا جائے یا پھر ترقی کے نام پر بگاڑ کہا جائے۔ ایسا ہی ایک نیا رجحان آج کل سوشل میڈیا پر موضوع بحث بنا ہوا ہے اور اس کا تعلق فیشن انڈسٹری سے ہے۔

اگر آپ فیشن کا شوق رکھتے ہیں تو یقیناً بالوں کو مصنوعی طریقے سے لمبا اور گھنا کرنے کے لیے استعمال ہونے والی ایکسٹینشنز سے بھی واقف ہوں گے۔ سوشل میڈیا پر بھی ان دنوں ہیئر ایکسٹینشنز ہی کی بات ہو رہی ہے تاہم یہ ایکسٹنشن سر کے بالوں کے لیے نہیں بلکہ ناک کے بالوں کے لیے متعارف کرائی گئی ہیں۔

یعنی یہ کہنا غلط نہ ہوگا کہ اب مارکیٹ میں ناک کے بال لمبے کرنے کا بھی فیشن آ چکا ہے اور اس مقصد کو پورا کرنے کے لیے ایکسٹنشن بھی دستیاب ہیں۔ سوشل میڈیا پر کئی خواتین نے اپنی ناک پر اس ایکسٹینشن کو لگا کر تصویر اپ لوڈ کی جس پر لوگوں نے نہ صرف حیرت کا اظہار کیا بلکہ شدید تنقید بھی کی۔

Nose hair extensions? Really?

https://t.co/Kn6P6aovEd via @MetroUK

— lucifurious™ ♓️ (@jablan) October 7, 2017

https://twitter.com/zzunairahx/status/916867518047940609

خواتین اس ایکسٹنشن کو اپنے نتھنوں سے چسپاں کرلیتی ہیں جس کے بعد یہ گمان ہوتا ہے کہ ان کے ناک کے بال اتنے بڑھ گئے ہیں کہ وہ باہر نکل آئے ہیں۔ سماجی رابطوں کی ویب سائٹ پر ایک صارف نے تو یہاں تک کہہ دیا کہ اگر اس نے کسی کو یہ فیشن کرتے ہوئے دیکھا تو بلا تاخیر اسے ایک تھپڑ رسید کردے گا۔

https://twitter.com/Dusky_Dakota/status/916819322470785024