فاٹا پر حکومتی رویہ انتشار کا باعث بنے گا، عمران خان

 اسلام آباد: چیئرمین تحریک انصاف عمران خان نے کہاہے کہ حکومت کاغیرسنجیدہ رویہ فاٹا عوام کی توہین ہے جب کہ فاٹا اصلاحاتی پیکیج پر عملدر آمد میں تاخیرسے فاٹا میں بدامنی اورسنگین نتائج کاخدشہ ہے۔

عمران کان نے کہا کہ بے انتہا قربانیاں دینے والے قبائلی عوام ابھی تک جمہوری حقوق سے محروم ہیں،عمران خان نے مطالبہ کیاحکومت فاٹا اصلاحات پیکیج بلا تاخیر پارلیمان کے سامنے پیش کرے۔

علاوہ ازیں بنی گالہ میں عمران خان سے ڈاکٹر بابر اعوان نے ملاقات کی اور انسداد دہشتگردی عدالت کے فیصلے کے خلاف ہائیکورٹ سے رجوع کرنے کا فیصلہ کیا گیا،عمران خان نے بابر اعوان کو پٹیشن دائر کرنے کی ہدایت کر دی۔

ادھر رکن سندھ اسمبلی خرم شیرزمان کے مطابق عمران آج چار روزہ دورہ پرکراچی پہنچیں گے جب کہ چیئرمین پی ٹی آئی مختلف اضلاع میں ورکرز کنونشن اور دیگر اجتماعات سے خطاب کرینگے۔