- آپ اپنی آئینی حدود جانتے ہیں مگر تجاوز کئی گنا زیادہ ہوتا ہے، مولانا فضل الرحمٰن
- فیصل آباد میں شوہر نے دو بیویوں اور چار بچوں کو قتل کر کے خودکشی کرلی
- وزیراعظم نے گندم درآمد کی تحقیقات کے لیے انکوائری کمیٹی تشکیل دے دی
- لاہور میں پولیس اہلکاروں کی ٹارگٹ کلنگ میں ملوث خراسانی گروپ کا کارندہ گرفتار
- چوتھا ٹی ٹوئنٹی: فتح کو ترسی پاکستان ٹیم نے جیت کا ذائقہ چکھ لیا
- ترکیہ نے اسرائیل سے تمام تجارت بند کردی
- پاکپتن میں سفاک شوہر اور سسرالیوں نے گھر نام نہ کرنے پر خاتون کو زہر دے دیا
- ایران نے امریکی و برطانوی حکام اور کمپنیوں پر پابندی لگادی
- محمود اچکزئی کا سابق نگران وزیر اور ڈی سی کوئٹہ کو 20 ارب ہرجانے کا نوٹس
- مینڈیٹ نہ ملنے کی وجہ سے نواز شریف وزارت عظمی سے پیچھے ہٹ گئے، محمد زبیر
- آڈیو لیکس کیس، آئی بی کا بینچ پر اعتراض کی درخواست واپس لینے کا فیصلہ
- لاہور: پارکوں میں جوڑوں کی وڈیوز بنا کر وائرل کرنے والے وکیل کا لائسنس معطل
- کراچی میں رینجرز کی تعیناتی میں مزید 6 ماہ کی توسیع منظور
- زرمبادلہ کے سرکاری ذخائر میں اضافہ، 8 ارب ڈالر کی سطح پر آگئے
- شدید گرمی کی لہر نے جنوبی ایشیا کو اپنی لپیٹ میں لے لیا؛ اسکول بند
- پنجاب میں سرکاری محکموں میں بھرتی اور دیگر سہولیات کیلیے خصوصی افراد کی آن لائن رجسٹریشن کا آغاز
- حماس کی حمایت پر برطانوی پولیس افسر کو آئندہ ماہ سزا سنائی جائے گی
- جنوبی وزیرستان کے سیشن جج کے اغواء میں ملوث تین دہشت گرد ہلاک،آئی ایس پی آر
- تحریک انصاف نے عام انتخابات میں مبینہ دھاندلی پر وائٹ پیپر جاری کردیا
- ٹی ٹوئنٹی ورلڈ کپ 2024 کا آفیشل ترانہ جاری
ہر جانے کا بھارتی نوٹس ، ویسٹ انڈین کرکٹ میں بھونچال آگیا
پورٹ آف اسپین: بھارتی ڈیمانڈ نوٹس پر ویسٹ انڈین کرکٹ میںبھونچال آگیا، 42 ملین ڈالر کے ہرجانے سے جان چھڑانے کیلیے بورڈ نے کیریبیئن سیاستدانوں سے مدد مانگ لی، بی سی سی آئی سے مذاکرات کیلیے ٹاسک فورس بھی قائم کردی گئی۔
کھلاڑیوں کے درمیان وقتی طور پر فائر بندی بھی ہوگئی، دورئہ جنوبی افریقہ اور ورلڈ کپ میں شرکت پر چھائے غیریقینی کے بادل چھٹنے لگے۔ تفصیلات کے مطابق بھارتی کرکٹ بورڈ کی جانب سے گذشتہ دنوں ویسٹ انڈین کرکٹ کو نوٹس بھیجا گیا تھا جس میں دورہ ادھورا چھوڑنے پر 15 نومبر تک 42 ملین ڈالر ادا کرنے ورنہ قانونی چارہ جوئی کا سامنا کرنے کیلیے تیار رہنے کو کہا گیا تھا۔ یہ نوٹس ملتے ہی کیریبیئن کرکٹ میں ایک بھونچال آگیا، آپس میں دست و گریباں تمام فریق ایک ٹیبل پر سر جوڑ کر بیٹھ گئے، ہنگامی اجلاس 6 گھنٹوں تک جاری رہا ۔
جس میں سینٹ ونسنٹ اینڈ گریناڈنز اور گرینیڈا کے وزرائے اعظم رالف گونزالوز اور ڈاکٹر کیتھ مچل شریک ہوئے۔ بورڈ کے صدر ڈیوڈ کیمرون کے علاوہ ون ڈے کپتان ڈیوائن براوو اور ٹیسٹ قائد دنیش رامدین بھی اس موقع پر موجود تھے اگرچہ پلیئرز ایسوسی ایشن کے سربراہ ویول ہنڈز اس اجلاس میں شریک نہیں تھے تاہم ٹیلی کانفرنس کے ذریعے وہ پوری کارروائی کا حصہ رہے۔ رپورٹس کے مطابق بورڈ اور پلیئرز ایسوسی ایشن میں وقتی طور پر صلح ہوگئی ہے جس میں یہ طے پایا ہے کہ معاوضوں کے حوالے سے نئے ایگریمنٹ پر بورڈ اور ایسوسی ایشن کے درمیان دوبارہ بات چیت ہوگی اور اس بار کھلاڑی بھی اس میں شریک ہوں گے۔
تاہم کرکٹرز ہنڈز کے استعفے کے مطالبے سے دستبردار ہوگئے وہ بدستور پلیئرز کی نمائندگی کرتے رہیں گے۔ خطے کے معتبر سیاستدانوں پر مشتمل یہ ٹاسک فورس بھارتی کرکٹ بورڈ سے مذاکرات کرے گی اور انھیں سخت کارروائی نہ کرنے پر راضی کرنے کی کوشش کریگی، میٹنگ میں یہ بھی فیصلہ کیا گیا ہے کہ فل اسکواڈ جنوبی افریقہ کے دورے اور ورلڈ کپ میں بھیجا جائیگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔