- پی ٹی آئی کے چھوٹے چھوٹے ٹکڑے ہونا شروع ہوگئے، فیصل واوڈا
- انگلینڈ نے چوتھے ٹی ٹوئنٹی میں پاکستان کو شکست دیکر سیریز 0-2 سے جیت لی
- کراچی: بجلی کی عدم فراہمی پر لیاری اور شاہ فیصل کالونی میں احتجاج
- بابر اعظم نے ٹی 20 انٹرنیشنل میں 4 ہزار رنز بنانے کا اعزاز حاصل کرلیا
- اداروں کی ساکھ متاثر کرنے والی خبروں کا سدباب کرینگے، چیئرمین پی سی پی
- ججوں پر نامناسب ریمارکس؛ وزیراعظم کیخلاف توہین عدالت کی درخواست سماعت کیلیے مقرر
- حیدرآباد میں گیس سلینڈر دھماکے کے چار زخمی دم توڑ گئے، 51 زخمی
- کراچی میں گرمی کی لہر اتوار تک برقرار رہنے کا امکان
- یہ وقت ٹیم کی سپورٹ کا ہے چار ہفتے تک تنقید نہ کریں، چیئرمین پی سی بی
- خیبرپختونخوا میں پولیس افسران و اہلکاروں کے ٹک ٹاک استعمال کرنے پر پابندی عائد
- موجودہ حالات کا 1971 سے کوئی موازنہ نہیں نہ بانی پی ٹی آئی شیخ مجیب ہیں، علی محمد خان
- خیبرپختونخوا اسمبلی نے آئندہ مالی سال کے فنانس بل کی منظوری دے دی
- اسلام آباد ہائیکورٹ میں سائفر کیس کی سماعت پیر کو ہوگی
- والی بال سیریز؛ پاکستان نے آسٹریلیا کو وائٹ واش کردیا
- خیبرپختونخوا: سرکاری ملازمین کی تنخواہوں میں اضافہ وفاقی واجبات سے مشروط
- بیرون ملک عادل راجہ کے زیر استعمال پاکستان ایکس سروس مین کے اکاؤنٹس بلاک
- ایک ہفتے میں زرمبادلہ کے ذخائر 6 کروڑ 30 لاکھ ڈالر کم ہوگئے
- قتل کیس میں دہشت گردی کی دفعات ختم، ملزمان کی سزائے موت عمر قید میں تبدیل
- امید ہے دیگر ملک بھی آزاد فلسطینی ریاست کیلیے کاوشیں کریں گے، وزیراعظم
- موسمیاتی تبدیلیوں کا مقابلہ کرنے کے لیے اربن فاریسٹری کو فروغ دینا ہوگا، ماہرین
چیف سیکریٹری کے تبادلے پر سندھ اور وفاق میں تنازع شدت اختیار کرگیا
کراچی: چیف سیکریٹری سندھ کے تبادلے کے معاملے پرآئینی بحران پیدا ہونے کاخطرہ پیدا ہو گیا ہے۔
وزیر اعلیٰ ہاؤس سندھ کے ذرائع کا کہنا ہے کہ سندھ حکومت مزید 2دن سجادسلیم ہوتیانہ کو ہٹانے کا انتظار کرے گی جس کے بعد وفاق پریہ واضح کردیاجائے گا کہ اگر سجاد سلیم ہوتیانہ کوہٹانے کے وزیراعلیٰ سندھ سیدقائم علی شاہ کے حکم پرعمل نہیں کیا گیا تو سندھ حکومت بھی وفاق کے جاری کردہ تمام احکام ماننے کی پابند نہیں ہوگی۔
گزشتہ3 دن سے وزیراعلیٰ سندھ کی ہدایات پرعمل نہ ہونے سے نہ صرف سندھ میں سنگین انتظامی بحران پیداہوگیا ہے بلکہ وفاق اور صوبے کے درمیان انتظامی امورمیں بھی آئینی بحران پیدا ہونے کاخطرہ بڑھتاجارہاہے۔ذرائع کے مطابق وزیراعلیٰ سندھ نے جمع کی صبح اس معاملے پرسندھ حکومت اور پیپلز پارٹی سے وابستہ قانونی و آئینی ماہرین سے مشاورت کی جنھوں نے وزیراعلیٰ سندھ کوبتایاکہ صوبائی حکومت آئینی طورپرچیف سیکریٹری کی تعیناتی کے معاملے پروفاقی حکومت کی ایڈوائس پر عمل کرنے کی پابند نہیں۔
قانونی ماہرین کی رائے کی روشنی میں حکمت عملی ترتیب دی جارہی ہے،کوئی بھی قانونی یا آئینی اقدام کرنے سے قبل وزیراعلیٰ سندھ سیدقائم علی شاہ وزیراعظم نوازشریف کی وطن واپسی کا انتظارکریں گے۔دریں اثنا ایڈووکیٹ جنرل سندھ نے عبدالفتاح ملک نے کہاہے کہ انھوں نے اس سلسلے میں وزیراعلیٰ سندھ کواپنی قانونی رائے دیدی ہے۔ ایکسپریس کی جانب سے رابطہ کرنے پرانھوں نے بتایاکہ سندھ میں صوبے کے چیف ایگزیکٹو کے احکام پرعمل نہ ہونے سے بڑاانتظامی اورآئینی بحران پیدا ہوسکتا ہے،اس طرح کی صورتحال سابق آئی جی پولیس اقبال محمود کے تبادلے کے معاملے پربھی پیدا ہوئی تھی لیکن بعدمیں وہ مسئلہ حل ہوگیا تھا۔
واضح رہے کہ وزیر اعلیٰ سندھ سیدقائم علی شاہ نے منگل کو سجاد سلیم ہوتیانہ کی خدمات وفاق کوواپس کرنے اورچیف سیکریٹری سندھ کااضافی چارج وزیراعلیٰ انسپیکشن ٹیم کے چیئرمین عبدالسبحان میمن کے حوالے کرنے کے احکام جاری کیے تھے لیکن ان پرعمل نہ ہوسکا اورسجادسلیم ہوتیانہ نے بدستورچیف سیکریٹری کی حیثیت میں کام جاری رکھا ہوا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔