- اے ایس پی شہر بانو نقوی شادی کے بندھن میں بندھ گئیں، تصاویر وائرل
- انتخابی نتائج کیخلاف جماعت اسلامی کا سپریم کورٹ جانے کا اعلان
- ضلع خیبر: سیکورٹی فورسز کے آپریشن میں 4 دہشت گرد ہلاک
- وکیل کے قتل میں مطلوب خطرناک اشتہاری آذربائیجان سے گرفتار
- ملکی معیشت میں بہتری کے لیے بڑے پیمانے پر اصلاحات کرنے جارہے ہیں، وزیراعظم
- انٹربینک اور اوپن مارکیٹ میں ڈالر کی قدر بڑھ گئی
- کراچی میں گرمی کی لہر برقرار، منگل کو پارہ 40 تک جانے کا امکان
- سعودی عرب میں لڑکی کو ہراساں کرنے پر بھارتی شہری گرفتار
- رجب طیب اردوان پاکستان کے سچے اور مخلص دوست ہیں، صدر مملکت
- کراچی: او اور اے لیول امتحانات میں بدترین بد انتظامی سے ہزاروں طلبہ اذیت کا شکار
- عجیب و غریب ڈیزائن کی حامل گاڑیاں
- سرجری سے انکاری معمر افراد کیلئے انتباہ
- صوتی آلودگی کے پرندوں پر مرتب ہونے والے سنگین اثرات
- شہباز شریف اور بلاول حکومت پی ٹی آئی کے حوالے کردیں، فضل الرحمان
- بھارتی وزیر خارجہ امیت شاہ ہیلی کاپٹر حادثے میں بال بال بچ گئے
- مانیٹری پالیسی جاری، شرح سود بائیس فیصد کی سطح پر برقرار
- خیبر پختون خوا میں بارشوں سے تین روز کے دوران 10 افراد جاں بحق
- انوکھا انداز؛ نیوزی لینڈ ٹی-20 ٹیم کا اعلان 2 بچوں نے کیا
- علی رضا عابدی کے قتل میں ملوث چار مجرموں کو عمر قید کا حکم
- تحریک انصاف کے بیک ڈور کسی سے مذاکرات نہیں ہورہے، بیرسٹر گوہر
نجی شعبے کے تحت ملائیشیا میں میڈان پاکستان ایکسپو
کراچی: نجی شعبے کے تحت ملائیشیا میں پاکستانی مصنوعات کی سب سے بڑی نمائش میڈان پاکستان ایکسپو (پیکسپو۔کے ایل) کی تیاریاں آخری مرحلے میں داخل ہوگئی ہیں، 12سے 15فروری مڈ ویلی ایگزی بیشن سینٹر میں ہونے والی اس نمائش میں 65 پاکستانی کمپنیاں شرکت کررہی ہیں، نمائش میں آلات جراحی، فیشن ملبوسات، تاجر خواتینکے وفود بھی شامل ہیں۔
ساؤتھ ایشیا ریسورسز گروپ کے چیئرمین میر ناصر عباس نے ’’ایکسپریس‘‘ کو بتایا کہ ملائیشیا میں اب تک کی سب سے بڑی پاکستانی مصنوعات کی نمائش دونوں ملکوں کے مابین تجارتی توازن بہتر بنانے بالخصوص پاکستانی مصنوعات کے لیے ملائیشیا کی بڑی منڈی میں نمایاں مقام حاصل کرنے میں معاون ہوگی، ملائیشیا کی مجموعی درآمدات 208ارب ڈالر ہیں جس میں پاکستان کے لیے وسیع مواقع موجود ہیں تاہم پاکستان صرف 20کروڑ ڈالر کی مصنوعات برآمد کررہا ہے جبکہ ملائیشیا سے 2ارب ڈالر کی مصنوعات درآمد کی جارہی ہیں، اس طرح تجارت کا توازن ملائیشیا کے حق میں ہے۔
انہوں نے کہا کہ نمائش کو کامیاب بنانے کے لیے کوالالمپور میں پاکستانی سفارتخانہ متحرک کردار ادا کررہا ہے، نمائش کے دوران زیادہ سے زیادہ کاروباری مواقع مہیا کرنے کے لیے ملائیشیا کے نیشنل چیمبر آف کامرس، ملائیشیا ایکسٹرنل ٹریڈ ڈیولپمنٹ کارپوریشن، ایسوسی ایٹڈ چائینز چیمبر اور دیگر تجارتی انجمنوں کی بھی سپورٹ حاصل ہے۔
نمائش کا انعقاد کرنے والے ادارے EVECON کی ڈائریکٹر انٹرنیشنل مارکیٹنگ شاہدہ قیصر نے بتایا کہ نمائش دونوں ملکوں کے نجی شعبے کو قریب لانے کا ذریعہ بنے گی، اس موقع پر جراحی کے آلات بنانے والی پاکستانی ایسوسی ایشن اور ملائیشیا کے کوالالمپور ملائی چیمبر آف کامرس کے درمیان مفاہمتی یادداشت طے کی جائیگی، نمائش میں ویمن چیمبر آف کامرس کے تحت پاکستانی تاجر خواتین کا 25رکنی وفد بھی حصہ لے رہا ہے۔
نیشنل ایسوسی ایشن آف ویمن انٹرپرینیوررز آف ملائیشیا اور ویمن چیمبر آف کامرس کے درمیان خواتین کو بااختیار بنانے اور کاروباری مواقع مہیا کرنے کے لیے باہمی تعاون کے لیے یادداشت پر بھی دستخط کیے جائیں گے۔ نمائش میں پاکستان کی سرفہرست ٹیکسٹائل کمپنیاں اور فیشن ڈیزائنرز بھی شرکت کر رہے ہیں، نمائش میں حصہ لینے والے دیگر نمایاں شعبوں میں ہوم ٹیکسٹائل، میٹالک یارن، کھیلوں کا سامان، مصالحہ جات، کٹلری، جیولری، فروٹ اینڈ ویجیٹبل سیکٹر شامل ہیں، نمائش میں ڈیڑھ لاکھ سے زائد افراد کی شرکت متوقع ہے نمائش کا افتتاح ملائیشیا ایکسٹرنل ٹریڈ ڈیولپمنٹ کارپوریشن کے سی ای او Dzulkifli Mahmoodکریںگے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔